٣٩١٢٨۔۔۔ میری امت میرے پاس حوض پر آئے گی اور میں لوگوں کو اس سے ایسے ہٹا رہاہوں جیسے کوئی شخص کسی کے اونٹ اپنے اونٹوں سے دور ہٹاتا ہے لوگوں نے عرض کیا : اللہ کے نبی ! آپ ہمیں (اتنی بھیڑ میں) پہچان لیں گے ؟ آپ نے فرمایا : ہاں تمہاری ایک علامت ہوگی جو کسی اور کی نہیں ہوگی تم سامنے آؤ گے تو وضوء کے نشانات کی وجہ سے تمہاری پیشانیاں اور ایڑیاں چمک رہی ہوں گی البتہ تمہاری ایک جماعت مجھ سے روک دی جائے گی وہ مجھ تک نہیں پہنچ پائیں گے۔ میں عرض کروں گا : میرے رب یہ میرے ساتھ ہیں فرشتہ مجھے جواب دے گا آپ کو معلوم ہے انھوں نے آپ کے بعد کیا نئی باتیں ایجاد کیں۔ (مسلم عن ابوہریرہ )