٣٩١٤١۔۔۔ میرا حوض ایلہ سے عدن تک چوڑا ہے اس ذات کی قسم ! جس کے قبضہ قدرت میں میری جان ہے ! اس کے جام تعداد میں ستاروں سے بڑھ کر ہیں وہ دودھ سے زیادہ سفید شہد سے زیادہ میٹھا ہے اس ذات کی قسم ! جس کے قبضہ قدرت میں میری جان ہے ! میں بہت سے لوگوں کو وہاں سے ایسے ہٹاؤں گا جیسے کوئی اپنے حوض سے اجنبی اونٹ ہٹاتا ہے لوگوں نے عرض کیا یارسول اللہ ! کیا آپ ہمیں پہچان لیں گے ؟ آپ نے فرمایا : ہاں تمہاری پیشانیاں اور ایڑیاں وضو کی وجہ سے چمک رہی ہوں گے جو کسی اور کسی علامت نہیں ہوگی۔ (مسلم ابن ماجہ عن حذیفۃ)