3916: اے عائشہ تو کامل اور جامع کلمات کو تھام لے، یوں کہا کر :
اللهم إني أسألک من الخير كله عاجله وآجله ما علمت منه وما لم أعلم وأعوذ بک من الشر کله عاجله وآجله ما علمت منه وما لم أعلم وأسألک الجنة وما قرب إليها من قول وعمل وأعوذ من النار وما قرب إليها من قول وعمل وأسألک من خير ما سألک منه عبدک ورسولک محمد (صلی اللہ علیہ وآلہ وسلم) وأستعيذک مما استعاذ منه عبدک ورسولک محمد (صلی اللہ علیہ وآلہ وسلم) وأسألک ما قضيت لي من أمر أن تجعل عاقبته رشدا ۔
اے اللہ ! میں تجھ سے ہر طرح کی خیر کا سوال کرتا ہوں جلد اور بدیر، میرے علم میں ہو اور میرے علم میں نہ ہو اور تیری پناہ مانگتا ہوں ہر طرح کے شر سے جلدی اور بدیر، میرے علم میں ہو اور جو میری علم میں نہ ہو، اے اللہ ! میں تجھ سے جنت اور ہر اس قول و عمل کا سوال کرتا ہوں جو جنت کے قریب تر کردے۔ اے اللہ ! میں تری پناہ مانگتا ہوں جہنم اور ہر اس قول و عمل سے جو جہنم کے قریب کردے۔ اے اللہ ! میں تجھ سے ہر وہ خیر مانگتا ہوں جو تجھ سے تیرے بندے اور رسول محمد (صلی اللہ علیہ وآلہ وسلم) نے مانگی اور تیری پناہ چاہتا ہوں ہر اس چیز سے جس سے تیرے بندے اور تیرے رسول محمد (صلی اللہ علیہ وآلہ وسلم) نے تیری پناہ چاہی۔ اور اے اللہ ! میں تجھ سے سوال کرتا ہوں کہ تو نے میرے لیے جو بھی فیصلہ کردیا اس کا انجام کار میرے لیے بہتر کردے۔ (مستدرک الحاکم، ابن عساکر، عن عائشہ (رض))