٣٩١٦٧۔۔۔ قیامت کے دن مجھے سب سے پہلے بلایا جائے گا میں کھڑے ہو کر آؤں گا پھر مجھے سجدہ کی اجازت دی جائے گی میں ایسا سجدہ کروں جس کی وجہ سے اللہ تعالیٰ خوش ہوگا پھر مجھے اجازت ہوگی میں سراٹھاؤں گا اور میں اللہ تعالیٰ سے ایسی دعا مانگوں گا جس سے اللہ تعالیٰ خوش ہوگا کل (بروز قیامت وضو کی علامات کی وجہ سے چہروں اور پاؤں سے چمکتے کھڑے ہوں گے پھر لوگوں کو حوض پر لایا جائے گا جو بصری سے ضعاء تک چوڑا ہوگا۔ (اس کا پانی) دودھ سے زیادہ سفید شہد سے میٹھا اور مشک سے زیادہ خوشبودار ہوگا اس میں ستاروں کی تعداد میں جام ہوں گے جس نے وہاں جاکر پیادہ کبھی پیاسا نہیں ہوگا، پھر لوگوں کے سامنے پل صراط رکھا جائے گا تو پہلے لوگ بجلی کی طرح (گزرتے) دکھائی دیں گے پھر وہ ایک طرح پھر پلک جھپکنے کی طرح پھر عمدہ گھوڑوں اور سواریوں کی طرح ہر حال میں یہ اعمال کے لحاظ سے ہوگا فرشتے پل صراط کے دونوں جانب کہہ رہے ہوں گے : اے رب ! سلامت رکھ سلامت رکھ ! تو کوئی سلامتی سے نجات پاجائے گا کوئی خراش کھا کر پار ہوگا اور کوئی آگ میں گرپڑے گا جہنم اس دن کہے گی : کیا اور کچھ ہے یہاں تک کہ رب تعالیٰ اسمیں رکھ دیں گے جو چاہیں گے اور وہ سکڑنا اور سمٹنا شروع ہوجائے گا اور اس سے ایسے آواز آئے گی جیسے نئے توشہ دان سے آتی ہے (جب آدمی اسے بھردے) تو وہ کہے گا بس بس بس (الحکیم عن ابی بن کعب