٣٩١٩٧۔۔۔ کیا تمہیں چودہویں کے چاند میں شک ہوسکتا ہے جب اس کے سامنے کوئی بادل نہ ہو ؟ کیا تمہیں سورج کے دیکھنے میں شک ہوتا ہے جب اس کے سامنے کوئی بادل نہ ہو تم اپنے رب کو بھی ایسے ہی دیکھوں گے قیامت کے روز اللہ تعالیٰ لوگوں کو جمع کرکے فرمائے گا : جو جس کسی کی عبادت کرتا تھا وہ اس کے پیچھے چل دے تو سورج کے بچاری سورج کے پیچھے ہوجائیں گے چاند کے چاند کے پیچھے اور جو طاغوتوں (ہر وہ چیز جس کی اللہ کی علاوہ عبادت کی جائے) کے بچاری ہوں گے وہ ان کے پیچھے چل دیں گے اور یہ امت باقی رہ جائے گی اس میں اس کے منافقین بھی ہوں گے تو اللہ تعالیٰ ان کے سامنے ایسی صورت میں ظاہر ہوگا کہ وہ اسے پہچان چل دیں گے اللہ تعالیٰ فرمائے گا : میں تمہارا رب ہوں وہ کہیں گے : ہم تجھ سے اللہ کی پناہ چاہتے ہیں یہ ہماری جگہ ہے یہاں تک کہ ہم اپنے رب کے پاس پہنچ جائیں جب ہمارا رب آئے گا ہم اسے پہچان لیں گے پھر اللہ تعالیٰ ان کے سامنے جانی پہچانی صورت میں آئیں گے اللہ تعالیٰ فرمائیں گے میں تمہارا رب ہوں وہ کہیں گے : آپ ہی ہمارے رب ہیں پھر وہ رب کی پیروی کرنے لگیں گے۔
اس کے بعد صراط جہنم کے درمیان نصب کردیا جائے گا میں پہلا رسول ہوں گا جو اپنی امت کو لیکر گزرے گا اس دن انبیاء کے سوا کوئی نہیں بولے گا انبیاء کی گفتگو بھی اس دن یہ ہوگی : اے اللہ ! سلامت رکھ سلامت رکھ ! اور جہنم میں آنگڑے ہوں گے جیسے کانٹے کیا تم نے سعدان بوٹی کے کاٹنے دیکھے ہیں ؟ وہ سعد ان کے کانٹوں جیسے ہوں گے البتہ ان کی موٹائی صرف اللہ ہی جانتا ہے وہ لوگوں کو ان کے اعمال کی وجہ سے اچکیں گے کوئی اپنے عمل سے ہلاک ہوگا کوئی خراش پاکر نجات حاصل کرے گا جب اللہ تعالیٰ بندوں فیصلے کرچکے گا اور اپنی رحمت سے جہنمی لوگوں کو نکالنے کا ارادہ کرے گا تو فرشتوں کو حکم دے گا کہ جہنم سے ہر موحدکا نکا ال لوجولاالہ الا اللہ کا اقرار کرتا ہو چنانچہ وہ اس کو نکال لیں گے اور سجدوں کے نشانات کی وجہ سے انھیں پہچانیں گے اور اللہ تعالیٰ نے آگ کے لیے سجدہ کے نشانوں کو جلانا حرام قرار دیا ہے چنانچہ جب وہ جہنم سے نکالے جائیں گے تو وہ جھلس چکے ہوں گے پھر ان پر آب حیات ڈالا جائے گا وہ ایسے اگیں گے جیسے سیلابی میں کوئی پودا اگتا ہے اس کے بعد اللہ تعالیٰ بندوں کے درمیان بندوں کے درمیان کرچکے گا اور ایک شخص جنت وجہنم کے درمیان رہ جائے گا وہ سب سے آخر میں جہنم سے نکلے گا اور سب سے آخر میں جنت میں داخل ہوگا اس کا چہرہ کی طرف ہوگا وہ کہے گا میرے رب ! مجھے جہنم سے بچا مجھے اس کے دھویں سے تکلیف ہورہی ہے اس کی گرمی نے مجھے جلادیا ہے اللہ تعالیٰ فرمائیں گے کیا تجھ سے یہ امید ہے کہ اگر تیرے ایسا کیا جائے تو کوئی سوال نہیں کرے گا وہ کہے گا : تیری عزت کی قسم (میں) میں کروں گا اللہ تعالیٰ اس سے عہد و پیمان لے کر جہنم سے اس کا چہرہ پھیردیں گے اور جب جنت اور اس کی تروتازگی دیکھے گا تو جتنا اللہ چاہے گا وہ خاموش ہے رہے گا پھر کہے گا ! اے میرے رب ! مجھے جنت کے دروازے تک آگے لے جا اللہ تعالیٰ اس سے فرمائیں گے کیا تم نے عہد و پیمان نہیں تھا کہ اس کے سوا تم کوئی سوال نہیں کروں گے وہ عرض کرے گا : میرے رب ! میں تیری مخلوق میں سے سب سے بدبخت نہیں ہونا چاہتا اللہ تعالیٰ اس سے فرمائیں گے : تجھ سے یہ امید کی جاسکتی ہے کہ تم اس کے سوا کوئی چیز چیز نہیں مانگو گے وہ کہے گا : تیری عزت کی قسم ! میں اس کے علاوہ تجھ سے کچھ نہیں مانگوں گا پھر اللہ تعالیٰ اس سے عہد و پیمان لیکر اسے جنت کے دروازے کے آگے لے آئیں گے جب وہ اس کے دروازے تک پہنچے گا تو اس کی زیب وزینت اور اس میں تروتازگی دیکھ کر جتنا اللہ چاہے وہ خاموش رہے گا پھر وہ عرض کرے گا میرے رب ! مجھے جنت میں داخل کردے ! اللہ تعالیٰ فرمائیں : ارے انسان ! تو کتنا بدعہد ہے کیا تو نے مجھ سے عہد و پیمان نہیں کیا کہ جو کچھ میں نے تجھے دے دیا اس کے علاوہ کچھ نہیں مانگے گا۔ وہ عرض کرے گا : میرے رب ! مجھے اپنی مخلوق میں سے بدبخت ترین نہ بناتو اللہ تعالیٰ اس کی بات سے خوش ہوں گے پھر اسے جنت جانے کی اجازت دے دیں گے۔
پھر ! اللہ تعالیٰ اس سے فرمائیں گے کوئی تمنا کر وہ تمنا کرے گا یہاں تک کہ اس کی تمنا ختم ہوجائے گی اللہ تعالیٰ فرمائیں گے : اتنی اتنی اور تمنا کر اس کا رب اسے یاد دلاتا رہے گا یہاں تک کہ اس کی تمنائیں ختم ہوجائیں گی اللہ تعالیٰ فرمائیں گے : تیرے لیے ہے یہ سب کچھ اور اس کے ساتھ اسی جیسا بہت کچھ ہے۔ (مسند احمد بخاری عن ابوہریرہ ابوداؤد عن ابی سعید لکنہ قال : وعشرۃ امقالہ)