٣٩٢٨٢۔۔۔ جنتی جب جنت میں داخل ہوجائیں گے تو اپنے اعمال کی فضیلت کی وجہ سے وہ اس میں اتریں گے پھر دنیا کے دنوں کے اعتبار سے یوم جمعہ کو اعلان کیا جائے گا تو وہ اپنے رب کی زیارت کریں گے ان کے سامنے اس کا عرش نمودار ہوگا اور جنت کے ایک باغ سے ان کے لیے آغاز کیا جائے گا پھر ان کے لیے نور مورتیوں یاقوت زبرجدسونے اور چاندی کے منبر رکھے جائیں گے ان میں سے ادنی شخص حالانکہ ان میں کوئی کم درجہ نہیں ہوگا مشک وکافور کے ٹیلوں پر بیٹھے گا کرسیوں والے ان سے افضل نشست نہ رکھتے ہوں گے حضرت ابوہریرہ (رض) نے فرمایا کہ میں نے عرض کیا : یارسول اللہ ! کیا ہم اپنے رب کو دیکھیں گے ؟ آپ نے فرمایا : ہاں کیا تمہیں (دن میں ) سورج اور رات جب چودہویں کا چاند دیکھنے میں کوئی شک ہوتا ہے ہم نے عرض کیا : نہیں آپ نے فرمایا : اپنے رب کے دیکھنے میں بھی تمہیں کوئی شک نہیں ہونا چاہے۔
اس مجلس میں ہر شخص سے اللہ تعالیٰ گفتگو فرمائے گا یہاں تک کہ ان میں سے ایک سے اللہ تعالیٰ فرمائیں گے : ابن
فلاں ! فلاں دن یاد ہے تم نے یہ یہ کہا تھا ؟ تو اللہ تعالیٰ اسے اس کی دنیا والی کچھ بےوفائیاں یاد دلائے گا وہ عرض کرے گا میرے رب ! کیا تو نے میری مغفرت نہیں فرمادی ؟ اللہ تعالیٰ فرمائین گے کیوں نہیں ! میری مغفرت کی وسعت سے ہی تم یہاں رک پہنچے ہو وہ لوگ اسی حال میں ہوں گے کہ ایک بادل اس اوپر سے ڈھانپ لے گا اور ان پر ایسی خوشبوبر سے گی کہ انھوں نے کبھی نہیں سونگھی ہوگی اللہ تعالیٰ کی فرمائیں گے جو میں نے عزت و توقیر کا سامان تمہارے لیے تیار کررکھا ہے اس کی طرف آؤ جو تمہیں پسند ہولے لو ! تو ہم ایسے بازار میں آئیں گے جسے فرشتوں نے گھیر رکھا ہوگا اس جیسا کسی نے نہیں دیکھا ہوگا۔ نہ کانوں نے سنا اور نہ دلوں میں اس کا خیال آیا ہوگا تو جو چیز ہمیں پسند ہوگی اٹھوالی جائے گی اس بازار میں خریدو فروخت نہیں ہوگی۔ اس بازار میں جنتی ایک دوسرے سے ملیں گے اونچی منزل والا شخص اپنے سے کم درجہ سے ملے گا۔ اگرچہ ان میں کوئی کم درجہ نہیں ہوگا۔ تو اسے اس کا لباس اچھا لگے گا ابھی اب کی بات ختم نہیں ہونے پائے گا کہ اس پر اس سے اچھا لباس آجائے گا یہ اس لیے کہ جنت میں کوئی بھی غم گین نہیں ہوگا پھر ہم اپنے گھروں کا رخ کریں گے وہاں ہم سے ہماری بیویاں ملیں گی وہ کہیں گی : خوش آمدید ! آپ میں تو پہلے سے زیادہ خوبصورتی آگئی ہم کہیں گے : آج ہم اپنے رب تعالیٰ سے مل بیٹھے تھے تو ہمارے لائق تھا کہ جیسے ہم وہاں تھے اسی طرح لوٹتے۔ (ترمذی ابن ماجہ عن ابوہریرہ )
کلام :۔۔۔ ضعیف ابن ماجہ ٩٤٧ ضعیف الجامع ١٨٣١