3931: حضرت معاذ (رض) فرماتے ہیں کہ رسول اکرم (صلی اللہ علیہ وآلہ وسلم) نے ارشاد فرمایا :
ہر حال میں کثرت کے ساتھ اللہ عزوجل کا ذکر کرو، بیشک کوئی عمل اللہ کے نزدیک زیادہ محبوب اور بندہ کو دنیا و آخرت میں برائیوں سے زیادہ نجات دینے والا اللہ کے ذکر سے بڑھ کر کوئی اور نہیں ہے۔ پوچھا گیا نہ قتال فی سبیل اللہ ؟ فرمایا : اگر اللہ کا ذکر نہ ہوتا تو قتال فی سبیل اللہ کا حکم بھی نہ دیا جاتا۔ اگر تمام انسانیت اللہ عزوجل کے نزدیک پر جیسا کہ اس کا حکم ہے اکٹھی ہوجائے تو اللہ پاک اپنے بندوں پر قتال فرض نہ کرتے۔ بیشک اللہ کا ذکر تم کو قتال فی سبیل اللہ سے نہیں روکتا بلکہ اس میں تمہاری مدد کرتا ہے۔ پس تم کہو : لا الہ الا اللہ واللہ اکبر اور سبحان اللہ والحمد للہ اور کہو تبارک اللہ، یہ پانچ کلمات ایسے ہیں جن کی ہمسری کوئی شئی نہیں کرسکتی۔ انہی پر اللہ نے ملائکہ کو پیدا کیا، انہی کی وجہ سے اللہ نے آسمان کو بلند کیا، زمین کو بچھایا، انہی کے ساتھ انسانوں اور جنوں کی جبلت رکھی، اور ان پر اللہ نے اپنے فرائض مقرر کیے۔
اللہ پاک اپنا ذکر صرف اسی سے قبول فرماتے ہیں جو تقوی اختیار کرے اور اپنے دل کو پاک کرے۔ پس تم اللہ کا اکرام کرو (یوں کہ) ایسی باتوں میں اللہ تم کو مشغول نہ دیکھے جن سے تم کو منع کیا ہے۔ لوگوں نے عرض کیا : یا رسول اللہ ! کیا اللہ کا ذکر ہم کو جہاد سے کافر نہیں ہے ؟ فرمایا : جہاد تو ذکر اللہ سے کافی نہیں ہے اور نہ جہاد ذکر اللہ کے بغیر درست ہوسکتا ۔ جہاد ذکر اللہ کے شعبوں میں سے ایک شعبہ ہے۔ خوش خبری ہے اس شخص کے لیے جو جہاد میں کثرت کے ساتھ اللہ کا ذکر کرے۔ (کیونکہ جہاد کے دوران) ہر کلمہ ستر ہزار نیکیاں رکھتا ہے اور ہر نیکی دس گنا (ہر حال میں) ہوجاتی ہے۔ اور اللہ کے ہاں اس قدر ثواب ہے جس کو اللہ کے سوا کوئی شمار نہیں کرسکتا۔
لوگوں نے عرض کیا : یا رسول اللہ (اللہ کی راہ میں) خرچ کرنا ؟ فرمایا : (اللہ کی راہ میں) خرچ کرنا بھی اسی در زیادہ ثواب رکھتا ہے۔ لوگوں نے عرض کیا : یا رسول اللہ ! ذکر اللہ سب سے زیادہ آسان عمل ہے، فرمایا : اللہ کریم ہے۔ اس نے لوگوں پر سب سے زیادہ آسان شیء کو فرض کیا ہے لیکن پھر بھی لوگ کفر و ناشکری کرتے ہیں۔ چنانچہ جب لوگوں نے اللہ کی رحمت (ذکر اللہ کو قبول نہیں کیا تو اللہ نے ان کے ساتھ جہاد کا حکم دیا، یہ چیز مومنین پر سخت وگئی اور اللہ نے انجام کار جہاد کو مومن کے لیے بہتر کردیا اور کافروں کو لیے عذاب کردیا۔ (ابن صصری فی امالیہ عن معاذ (رض))