3937: (مسند معاذ (رض)) حضور اکرم (صلی اللہ علیہ وآلہ وسلم) فرماتے ہیں :
اے لوگو ! (کثرت کے ساتھ) ہر حال میں اللہ کا ذکر کرو۔ کوئی عمل اللہ کے نزدیک اس سے زیادہ محبوب نہیں اور ہر برائی سے نجات دینے والی دنیا و آخرت میں اللہ کے ذکر سے زیادہ کوئی چیز نہیں۔ ایک کہنے والے نے عرض کیا : یا رسول اللہ ! کیا جہاد فی سبیل اللہ بھی نہیں ؟ آپ (صلی اللہ علیہ وآلہ وسلم) نے فرمایا : اگر اللہ کا ذکر نہ ہوتا تو جہاد فی سبیل اللہ کا حکم بھی نہ ہوتا۔ اگر لوگوں کو جو ذکر اللہ کا حکم ہے تمام انسان اس پر عمل کرتے تو اللہ کو جہاد کا حکم نازل نہ کرنا پڑتا۔ اور اللہ کا ذکر لوگوں کو جہاد فی سبیل اللہ سے نہیں روکتا۔ بلکہ ان کی مدد کرتا ہے۔ پس کہو : لا الہ الا اللہ اور کہو الحمد للہ، اور کہو : سبحان اللہ ولا حول ولا قوۃ الا باللہ، واللہ اکبر، کوئی چیز ان کلمات کی برابری نہیں کرسکتی، انہی پر اللہ نے ملائکہ کو پیدا کیا، انہی کی وجہ سے اللہ نے آسمانوں کو پھاڑا، زمین کو بچھایا، جن و انس کو پیدا کیا، ان پر فرائض مقرر کیے، اور اللہ پاک اپنا ذکر اسی سے بول فرماتے ہیں جس کے قلب کو پاکیزہ کیا اور اس کو صاف ستھرا کیا۔ پس تم اللہ کا اکرام کرو بایں طور کہ وہ تم کو ایسی حالت میں نہ دیکھے جس سے اس نے منع کیا ہے۔ بیشک اللہ نے اس کا تم سے عد لیا ہے۔ ابن شاہین فی الترغیب فی الذکر۔
کلام : اس میں ایک راوی بکر بن خنیس ہے جو متروک ہے۔