3941: ابو القاسم سعید بن محمد المودب، ابی المسعود احمد بن محمد بن المحلبی، ابو منصور محمد بن محمد بن عبدالعزیز العنکری، علی بن احمد احمد الشروطی، وابوسہل محمد، احمد بن الحسین المعدل، ابو عبداللہ محمد بن الفضل الاخباری سلف بن العوامی، محمد بن احمد، الکاتب، احمد بن القاسم، احمد بن ادریس بن احمد بن نصر ابن مزاحم، عبیدا للہ بن اسماعیل، عمرو بن ثابت عن ابیہ ثابت عن البراء بن عازب :
حضرت براء بن عازب (رض) فرماتے ہیں میں نے حضرت امیر المومنین علی (رض) سے دریافت کیا : میں آپ کو اللہ کا اور اس کے رسول کا واسطہ دے کر سوال کرتا ہوں۔ مجھے اللہ کا وہ خاص اسم اعظم بتائیے جو خصوصیت کے ساتھ آپ کو رسول اللہ (صلی اللہ علیہ وآلہ وسلم) نے بتایا ہے۔ اور آپ (صلی اللہ علیہ وآلہ وسلم) کو خصوصیت کے ساتھ جبرائیل (علیہ السلام) نے بتایا تھا۔ اور ان کو رحمن عزوجل نے یہ نام دے کر بھیجا تھا۔
حضرت براء (رض) کی یہ بات سن کر حضرت علی (رض) ہنس دیے پھر فرمایا : اے براء جب تم چاہو کہ اللہ کو اس کے اسم اعظم کے ساتھ پکارو تو سورة حدید کی اول چھ آیات (علیم بذات الصدور) تک اور سورة حشر کی آخری چار آیات پڑھو پھر اپنے اتھ اٹھاؤ اور کہو : یا من ھو ھکذا اسالک بحق ھذہ الاسماء ان تصلی علی محمد وآل محمد۔
اے وہ ذات جو عظیم صفات کے ساتھ متصف ہے میں تجھ سے ان اسماء کے حق کے ساتھ سوال کرتا ہوں کہ محمد اور آل محمد (صلی اللہ علیہ وآلہ وسلم) پر درود بھیج (اور میری یہ دعا قبول کر) ۔
اس کے بعد جو تیرا رادہ ہو وہ کہہ۔ پس قسم ہے اس ذات کی جس کے سوا کوئی معبود نہیں تری حاجت ضرور قبول کی جائے گی۔ ابو داود،
کلام : المغنی کتاب میں مولف کتاب (رح) فرماتے ہیں عمرو بن ثابت رافضی (شیعہ) ہیں جو خود اس بات کے قائل ہیں۔