٣٩٤٠٣۔۔۔ ابھی میرے پاس سے میرا دوست جبرائیل جاتے ہوئے کہہ گیا : اے محمد ! اس ذات کی قسم ! جس نے آپکو حق دے کر بھیجا اللہ کا ایک بندہ ہے جس نے ایک چوٹی پر جو سمندر میں تھا پانچ سو سال عبادت کی اس پہاڑ کی لمبائی چوڑائی تیس در تیس گز ہے اور سمندت ہر طرف سے چار ہزار فرسخ تک اس پہاڑ کو محیط (گھیرے ہوئے) ہے اللہ تعالیٰ نے ایک انگلی کی موٹائی برابر اس کے لیے میٹھا چشمہ جاری کیا جس سے سفید میٹھا پانی بہتا ہے اور پہاڑ کے دامن میں اس کا رنگ زرد پڑجاتا ہے انار کے ایک درخت ہر رات ایک انار لگتا جس سے وہ دن میں گزار کرلیتا۔ جب شام ہوتی تو وہ اترکر وضو کرتا اور وہ انار لے کر کھا لیتا اور پھر اپنی نماز پڑھنے لگ جاتا اس نے اللہ تعالیٰ سے دعا کی کہ سجدہ کی حالت میں اس کی روح قبض کرے اور زمین اور دوسری کس چیز کو اس کی اس سجدہ کی حالت کو خراب کرنے کی اجازت نہ دے اور اسی حالت میں اسے قیامت کے روز اٹھائے تو اللہ تعالیٰ نے ایسا ہی کیا ہم (فرشتے) آسمان سے اترتے اور زمین سے اوپر چڑھتے وہاں سے گزرتے ہیں : ہمیں اس کے بارے جو علم ہے یہ کہ اسے قیامت کے روز اٹھایا جائے گا اللہ تعالیٰ کے سامنے اسے کھڑا کیا جائے گا اللہ تعالیٰ اس سے فرمائیں گے : میرے بندے کو میری رحمت سے جنت میں داخل کردو وہ عرض کرے گا : میرے رب ! بلکہ میرے عمل کی وجہ سے اللہ تعالیٰ فرمائیں گے : میرے بندے پر جو میری نعمتیں تھیں ان کا اور اس کے عمل کا محاسبہ کرو تو آنکھ کی نعمت پانچ سو سال کی عبادت کو گھیرلے گی اور جسم کی نعمت اس سے زائد ہوگی اللہ تعالیٰ فرمائیں گے : میرے بندے کو جہنم میں داخل کردو ! چنانچہ اسے جہنم کی طرف کھینچا جائے گا تو چیخ کرک ہے گا : میرے رب ! مجھے اپنی رحمت سے جنت میں داخل کردے ! اللہ تعالیٰ فرمائیں گے اسے واپس لاؤ پھر اسے اللہ کے سامنے کھڑا کیا جائے گا اللہ تعالیٰ فرمائیں گے : میرے بندے ! جب تو کچھ بھی نہ تھا تجھے کس نے پیدا کیا ؟ وہ عرض کرے گا : آپ نے اللہ تعالیٰ فرمائیں گے : پانچ سو سال کی عبادت کی طاقت تمہیں کس نے دی ؟ وہ عرض کرے گا : میرے رب تو نے دی ! اللہ تعالیٰ فرمائیں گے : تجھے سمندر کے درمیان میں پہاڑ پر کس نے اتار اور تمہارے لیے میٹھا پانی کھارے پانی سے کس نے نکالا اور تمہارے لیے شب انار کس نے اگایا جبکہ وہ سال بعد ایک مرتبہ پھل دیتا ہے ؟ اور تم نے مجھ سے یہ سوال کیا کہ میری روح بحالت سجدہ قبضہ کی جائے تو میں نے ایسا ہی کیا ؟ وہ عرض کرے گا : میرے رب ! آپ نے یہ سب کچھ کیا اللہ تعالیٰ فرمائیں گے : یہی میری رحمت ہے اور میں اپنی رحمت سے ہی تجھے جنت میں داخل کررہا ہوں جبرائیل نے کہا : اے محمد (صلی اللہ علیہ وآلہ وسلم) چیزیں تو اللہ تعالیٰ کی رحمت سے ہیں۔ (الحکیم حاکم ومتعقب ابن حبان عن جابر)
کلام :۔۔۔ الضیفۃ ١٨٣