3943: حضرت انس (رض) سے مروی ہے کہ نبی کریم (صلی اللہ علیہ وآلہ وسلم) ابی عیاش کے پاس سے گذرے وہ نماز پڑھ رہے تھے اور کہہ رہے تھے۔
اللہم ان لک الحمد لا الہ الا انت المنان بدیع السموات والارض ذا الجلال والاکرام۔
رسول اکرم (صلی اللہ علیہ وآلہ وسلم) نے لوگوں سے فرمایا : جانتے ہو اس نے کس چیز کے ساتھ دعا کی ہے ؟ لوگوں نے عرض کیا : اللہ اور اس کا رسول زیادہ جانتے ہیں۔ آپ (صلی اللہ علیہ وآلہ وسلم) نے فرمایا : اس نے اللہ کے اس نام کے ساتھ دعا مانگی ہے جس کے ساتھ دعا کی گئی تو قبول ہوئی اور جب سوال کیا گیا تو پورا ہوا۔ (رواہ ابن عساکر)