٣٩٤٤٢۔۔۔ مجھے اس آخری جنتی کا علم دیا گیا ہے جو جنت میں داخل ہوگا وہ اللہ تعالیٰ سے سوال کرے گا کہ مجھے جہنم سے بچا اور جنت کا سوال نہیں کرے گا جب جنتی جنت میں اور جہنمی جہنم میں چلے جائیں گے تو یہ درمیان میں باقی رہ جائے گا عرض کرے گا : میرے رب ! میرا یہاں کیا ہے اللہ تعالیٰ فرمائے گا : ابن آدم یہ وہی چیز ہے جس کا تو مجھ سے سوال کررہا تھا وہ عرض کرے گا : کیوں نہیں میرے رب ! وہ اسی حالت میں ہوگا کہ اسے ایک درخت نظر آئے گا جو جنت کے دروازے پر اندرونی جانب ہوگا عرض کرے گا : میرے رب ! مجھے اس کے قریب کردے تاکہ اس کا پھل کھاؤں اور اس کا سایہ حاصل کروں۔
اللہ تعالیٰ فرمائیں گے : ابن آدم ! کیا تو نے مجھ سے سوال میں کیا :؟ وہ عرض کرے گا : میرے رب تجھ جیسا کہاں ؟
چنانچہ وہ برابر افضل سے افضل چیزیں دیکھتا اور مانگتا رہے گا یہاں تک کہ اس سے کہا جائے گا : جو جہاں تک تمہارے قدم چل سکیں اور جو تمہاری آنکھیں دیکھیں وہ تمہارا ہے پھر چیزوں کے نام لے لے کر تھک جائے گا تو ہاتھ سے اشارہ کرے گا کہے گا یہ یہ ! اس سے کہا جائے گا : تیرے لیے یہ بھی اور اس کے ساتھ اس جیسا بھی تو وہ راضی ہوجائے گا اور سمجھے گا کہ جو کچھ اسے ملا کسی جنتی کو نہیں عرض کرے گا اگر مجھے اجازت مل جائے تو میں اللہ تعالیٰ کی عطا کردہ نعمت سے جنتیوں کے ہے کھانا مشروب اور کپڑے پیش کروں اس سے تو کچھ بھی کم نہیں ہوگا۔ (طبرانی فی الکبیر عن عوف بن مالک)