3954: حسین بن خیر بن حوثرہ بن یعیش الموفق بن ابی النعمان الطائی الحمصی، اپنی اس سند کے ساتھ، ابو القاسم عبدالرحمن بن یحییٰ بن ابی النفاقش ، عبداللہ بن عبدالجبار الخبائری، الحکم بن عبداللہ بن خطاف، الزیدی، ابی واقد روایت کرتے ہیں :
جب حضرت عمر بن خطاب (رض) (ملک شام کے سفر میں) مقام جابیہ پر اترے تو آپ (رض) کے پاس قبیلہ بنی ثعلب کا ایک شخص حاضر خدمت ہوا۔ جس کا نام روح بن حبیب تھا۔ وہ اپنے ساتھ ایک پنجرہ میں شیر کو قید کرکے لایا تھا۔ اس نے وہ پنجرہ حضرت عمر (رض) کے سامنے رکھ دیا۔ حضرت عمر (رض) نے اس سے پوچھا : کیا تم نے اس کے ناب (نوکیلے دانت) اور پنجے توڑ دیے ہیں ؟ لوگوں نے نفی میں جواب دیا تو آپ نے الحمد للہ پڑھا اور فرمایا : میں نے رسول اکرم (صلی اللہ علیہ وآلہ وسلم) سے سنا ہے جب بھی کوئی جانور اپنی تسبیح میں کمی کردیتا ہے اس کو شکار کرلیا جاتا ہے۔
پھر آپ (رض) نے شیر کو حکم دیا : اے قسورۃ ! (شیر) اللہ کی عبادت کر۔ پھر آپ (رض) نے اس کو آزاد کردیا۔
کلام : اس روایت میں حکم اور ان سے روایت کرنے والے عبداللہ بن عبدالجبار الخفائری دونوں ضعیف راوی ہیں۔ جبکہ ان سے قبل مذکور شروع کے دو راوی مجہول ہیں۔