٣٩٥٢٧۔۔۔ جہنمیوں پر بھوک طاری کی جائے گی وہ اس عذاب کے برابر ہوجائے گی جس میں وہ مبتلا ہوں گے وہ فریاد کریں گے تو کانٹے دار اٹکنے والے کھانے سے ان کی فریاد رسی کی جائے گی تو انھیں یاد آئے گا کہ وہ دنیا میں اٹکنے والے کھانے کو پانی سے اتار لیتے تھے چنانچہ وہ پانی مانگیں گے تو لوہے کے آنگڑوں کے ساتھ انھیں کھولتا ہوا پانی دیا جائے گا جب وہ ان کے مہنوں کے قریب ہوگا تو انھیں جلادے گا جب ان کے پیٹوں میں پہنچے گا تو وہ کہیں گے : جہنم کے پہرے داروں کو بلاؤ ! ہو کہیں گے : کیا تمہارے پاس تمہارے رسول واضح دلائل لے کر نہیں آئے تھے وہ کہیں گے کیوں نہیں ! وہ کہیں گے : پکارو ! وہ پکاریں گے اور کافروں کی دعا و پکار بےکار ہوگی۔
پھر وہ کہیں گے : مالک کو بلاؤ ! وہ کہیں گے : اے مالک تمہارا رب ہمیں موت دیدے وہ انھیں جواب دے گا : تم یہیں ٹھہروگے پھر وہ کہیں گے : تم اپنے کو پکاروتمہارے سے بہتر کوئی نہیں چنانچہ وہ کہیں گے : ہمارے رب ! ہم پر ہماری بدبختی چھاگئی اور ہم گمراہ لوگ تھے ہمارے رب ! ہمیں یہاں سے نکال پھر اگر ہم نے ایسا کیا تو ہم ظالم ہوں گے اللہ تعالیٰ انھیں جواب دیں گے : اس میں دفع ہوجاؤ اور مجھ سے بات نہ کرو اس وقت وہ ہر اچھی امید سے ناامید ہوجائیں گے اور اسی وقت چیخ و پکار حسرت و افسوس کرنا شروع کردیں گے۔ (ابن ابی شیبۃ ترمذی عن ابی الددراء)
کلام :۔۔۔ ضعیف الترمذی ٤٨٢