٣٩٥٨٣۔۔۔ (اسی طرح) سیف، طلحہ، بن الاعلم ، حبیب بن ربیعہ الاسدی عمارۃ بن بلال اسدی فرماتے ہیں : طلیحہ رسول اللہ (صلی اللہ علیہ وآلہ وسلم) کی زندگی میں مرتد ہوا اور نبوت کا دعویٰ کیا تو نبی (صلی اللہ علیہ وآلہ وسلم) نے ضرار بن ازور کو بنی اسد پر مقرر اپنے گورنروں کی طرف بھیجا اور انھیں وہاں قیام کرنے کا حکم دیا چنانچہ وہ اس سلسلہ میں اپنی مہم پر لگ گئے او ور دیگر لوگ جو اسی کام کے لیے بھیجے گئے تھے انھوں نے طلیحہ کو زخمی کیا اور ڈرایا مسلمانوں نے واردات میں اور مشرکین نے سمیراء میں پڑاؤ کیا مسلمان روز بروز بڑھتے رہے اور مشرکین آئے دن گھٹتے رہے یہاں تک کہ ضرار (رض) نے طلیحہ کی جانب جانے کا قصد کیا تو ہر ایک نے انھیں صلح کے لیے روکا صرف ایک وار جو انھوں نے جراز (نامی) تلوار سے کیا جس سے وہ زخمی ہوگیا یہ بات لوگوں میں پھیل گئی وہ اسی حال میں تھے کہ نبی (صلی اللہ علیہ وآلہ وسلم) کی وفات کی خبر آگئی تو کچھ لوگوں نے کہا : طلیحہ کے بارے میں ہتھیار تجھے زندگی میں کرسکیں گے تو ابھی شام بھی نہیں ہوئی کہ مسلمانوں کو نقصان کا پتہ چل گیا اور لوگ طلیحہ کی طرف ٹوٹ پڑے اور اس کی حکومت ٹوٹ گئی۔ (رواہ ابن عساکر)