3960: (انس بن مالک (رض)) حضرت اعمش (رح) حضرت انس (رض) سے روایت کرتے ہیں حضرت انس (رض) فرماتے ہیں : میں حضور (صلی اللہ علیہ وآلہ وسلم) کے ساتھ چلا جا رہا تھا۔ آپ (صلی اللہ علیہ وآلہ وسلم) کا گذر ایک درخت کے پاس سے ہوا، جس کے پتے سوکھ چکے تھے نبی اکرم (صلی اللہ علیہ وآلہ وسلم) نے ایک لاٹھی جو آپ کے ساتھ تھی درخت پر ماری، جس سے درخت کے پتے گرنے لگے۔ نبی اکرم (صلی اللہ علیہ وآلہ وسلم) نے فرمایا :
سبحان اللہ، الحمد للہ، اور لا الہ الا اللہ، گناہوں کو ایسے گراتے ہیں جیسے یہ درخت پتوں کو گرا رہا ہے۔ ترمذی۔