3962: (ابو امامۃ الباہلی) حضرت ابو اماۃ الباہلی (رض) سے مروی ہے فرماتے ہیں مجھے نبی اکرم (صلی اللہ علیہ وآلہ وسلم) نے اس حال میں دیکھا کہ میرے (کچھ پڑھنے کی وجہ سے) ہونٹ ہل رہے تھے۔ آپ (صلی اللہ علیہ وآلہ وسلم) نے فرمایا : تم کیوں ہونٹ ہلا رہے ہو ؟ میں نے عرض کیا : میں اللہ تعالیٰ کا ذکر کر رہ اہوں۔ نبی اکرم (صلی اللہ علیہ وآلہ وسلم) نے فرمایا : کیا میں ایسی چیز نہ بتاؤں کہ وہ اس سے زیادہ ثواب والی ہو کہ اگر تم رات بھر ذکر کرتے رہو حتی کہ دن کردو اور دن بھر ذکر کرتے رہو حتی کہ رات کردو۔ میں نے عرض کیا : کیوں نہیں اے اللہ کے نبی ! تو آپ (صلی اللہ علیہ وآلہ وسلم) نے فرمایا یوں کہو :
الحمد للہ عدد ما خلق والحمد اللہ ملء خلق والحمد للہ عدد ما فی السموات والارض
والحمد للہ عدد ما احصی کتابہ والحمد للہ عدد کل شیء والحمد للہ ملء کل شیء
سبحان اللہ عدد ما خلق و سبحان اللہ ملء ما خلق و سبحان اللہ عدد ما فی السموت والارض
و سبحان اللہ عدد ما اصحی کتابہ و سبحان اللہ عدد کل شیء و سبحان اللہ ملء کل شیء۔
حضرت ابو امامہ (رض) فرماتے ہیں رسول اللہ (صلی اللہ علیہ وآلہ وسلم) نے مجھے حکم فرمایا ہے کہ میں یہ کلمات اپنے بعد آنے والوں کو بھی سکھاؤں۔ (الرویانی، ابن عساکر) ۔