٣٩٦٠٩۔۔۔ ابوالرباب سے رویت ہے کہ حضرت ابوذر (رض) نے فرمایا : آپس کی بغاوت اور لعن طعن کے زمانہ سے اللہ کی پناہ طلب کرو لوگوں نے کہا : وہ کونسا ہے ؟ آپ نے فرمایا : اس وقت تک قیامت قائم نہیں ہوگی یہاں تک کہ ایسی قوم کی جنگ ہو جن کا دعوی جاہلیت وا ال ہوگا تو وہ ایک دوسرے کو قتل کریں گے اور اس وقت تک قیامت قائم نہیں ہوگی یہاں تک کہ بازاروں میں ایک عربی عورت کو کھڑا کرکے سات باپوں کی طرف منسوب کیا جائے گا (یعنی زناعام ہوجائے گا) آدمی کے لیے اس کی خریداری سے صرف باریک پنڈلی رکاوٹ بنے گی۔
اور کہا جاتا ہے : وہ شخص محروم ہے کو نبی کلب کی غنیمت سے محروم رہا اور رسول اللہ (صلی اللہ علیہ وآلہ وسلم) نے فرمایا : سب سے پہلے قریش میں سے میرے گھرانے کے لوگ ہلاک ہوں گے فرمایا : کہا جاتا ہے کہ رسول اللہ (صلی اللہ علیہ وآلہ وسلم) کے پاس مدینہ کی وبا کی شکایت کی گئی تو آپ نے دعا کی : اے اللہ ! اس (مدینہ) کی وبامہیعۃ کی طرف منتقل کردے اے اللہ جتنا آپ نے ہمارے لیے مکہ کو محبوب بنایا ہے اس سے دوہرا مدینہ کو محبوب بنادے فرمایا : کہا جاتا ہے : آپ (صلی اللہ علیہ وآلہ وسلم) نے شام کی طرف رخ کرکے فرمایا : وہاں فتح ہوگی تو لوگ اس کی طرف (ایسے جائیں گے) جیسے ہنکائے جاتے ہیں اور مشرق فتح ہوگا تو لوگ اس کی طرف لپکے جائیں گے جب کہ مدینہ ان کے لیے بہتر ہوگا اگر انھیں معلوم ہو ان کے مدوصاع میں برکت دی گئی اور فرمایا : جس نے مدینہ کی مشقت شدت پر صبر کیا تو میں قیامت کے روز اس کے لیے گواہ بنوں گا۔ (رواہ ابن عساکر)