٣٩٦٤٣۔۔۔ حضرت علی (رض) سے روایت ہے کہ ایک شخص نے عرض کیا : یا رسول اللہ ! قیامت کب ہونی ہے آپ نے اسے ڈانٹا پھر جب آپ نے نماز فجر پڑھ لی تو آسمان کی طرف چہرہ اٹھایا پھر فرمایا اس کا خالق اسے بلند کرنے والا اسے تبدیل کرنے و الا اور اسے کتاب میں کاغذات سمیٹ کر رکھنے والا کتنا بابرکت ہے پھر زمین کی طرف دیکھ کر فرمایا : اس کا بنانے والا پھیلانے بدلنے اور کاغذات کو کتاب میں سمیٹنے کی طرح اسے لپٹنے والا کتنا بابرکت ہے اس کے بعد فرمایا : قیامت کے بارے میں پوچھنے والا کہاں ہے ؟ تو وہ شخص لوگوں کے آخر میں گھٹنوں کے بل بیٹھ وہ عمر بن خطاب تھے۔
رسول اللہ (صلی اللہ علیہ وآلہ وسلم) نے فرمایا : بادشاہ کے ظلم، تقدیر کو جھٹلانے ستاروں پر ایمان و یقین رکھنے کے وقت ہوگی ایک گروہ آئے گا جو امانت کو غنیمت، زکوۃ کو جرمانہ، فاحشہ کو زیارت و دیدار کا ذریعہ بنالیں گے میں نے آپ سے فاحشہ کی زیارت کے متعلق پوچھا آپ نے فرمایا : دوفاسق آدمی ہوں گے ان میں سے ایک کھانے پینے کا بند و بست کرے گا اور (دوسرا) عورت لائے گا پھر (اس سے) کہے گا جیسے تو نے کیا ایسا میرے لیے بھی بنا۔ اسی بنیاد پر ایک دوسرے کی زیارت کریں گے اس وقت میری امت ہلاک ہوگی۔ (ابنا بی الدنیا فی ذم الملابھی)