٣٩٦٤٨۔ ابن جریر نے تہذیب الاثار میں فرمایا : ابوحمید الحمصی احمد بن المغیرۃ عثمان بن سعید مہمد بن مناجر، زبنیدی زھری ان کے سلسلہ سند میں عروۃ سے آپ حضرت عائشہ (رض) سے روایت کرتے ہیں فرماتی ہیں افسوس لبید نے کیا کہہ دیا : شعر :
” وہ لوگ چلے گئے جن کے سائے میں (پناہ میں) جی جاتا تھا اور میں پیچھے ایسے رہ گیا جیسے خارشی اونٹ کی جلدہوتی ہے حضرت عائشہ (رض) نے فرمایا : کاش تو ہمارا یہ زمانہ پالیتا “ پھر زھری نے فرمایا : اللہ تعالیٰ عروہ پر رحم کرے پس کیا حال ہوتا اگر وہ ہمارا زمانہ پالیتے پھر زبیدی نے فرمایا : اللہ تعالیٰ زھری پر رحم کرے پس کیسا ہوتا ہے اگر وہ ہمارا زمانہ پالیتے محمد نے کہا : میں کہتا ہوں اللہ تعالیٰ زبیدی پر رحم فرمائے کیا ہوا اگر وہ ہمارا زمانہ پالیتے ابوحمید فرماتے ہیں : عثمان نے کہا : ہم کہتے ہیں : اللہ تعالیٰ محمد پر رحم کرے پس کیسا ہوتا اگر وہ ہمارا زمانہ پالیتے ابن جریر کہتے ہیں : ہم سے ابوحمید نے کہا : اللہ تعالیٰ عثمان پر رحم کرے کیسا ہوتا اگر وہ ہمارا یہ زمانہ پالیتے ابن جریر کہتے ہیں اللہ تعالیٰ احمد بن المغیرۃ پر رحم کرے کیسا ہوتا اگر وہ ہمارا یہ زمانہ پالیتے۔ (عبدالرزاق)