٣٩٦٥٢۔۔۔ عبداللہ بن عمرو سے روایت ہے کہ ایک شخص نے ان سے کہا : آپ کا گمان ہے کہ قیامت سو سال تک قائم ہوجائے گی انھوں نے فرمایا : سبحان اللہ ! میں یہی کہتا ہوں قیامت قائم ہونے کا علم صرف اللہ تعالیٰ ہی جانتا ہے میں نے تو یہ کہتا تھا : مخلوق کے ہر سو سال کے سر آغاز جب سے دنیا پیدا کی گئی ایک معاملہ ہوگا فرمایا : پھر عنقریب بھڑکے حمل کا بچہ ظاہر ہوگا کسی نے کہا : بھڑکے حمل کا بچہ کیا ہے ؟ فرمایا : ایک رومی ہوگا جس کا باپ یا ماں شیطان (جن) ہوگا وہ پانچ لاکھ کا لشکر لے کر سمندری راستہ سے مسلمانوں کا رخ کرے گا بالاۤخر عطا اور صور کے درمیان پڑاؤ کرے گا اس کے بعد وہ اعلان کرے گا کشتیوں والو ! ان سے نکلو ! پھر انھیں جلانے کا حکم دے گا پھر ان سے کہے گا : نہ تمہارے لیے قسطنطنیہ ہے اور نہ روم، یہاں تک کہ ہمارے اور عرب کے درمیان فیصلہ کن جنگ ہوجائے تو مسلمان ایک دوسرے سے امداد مانگیں گے یہاں تک کہ عدن ابین والے اپنی اونٹوں پر بیٹھ کر انھیں امداد پہنچائیں گے اور جمع ہو کر جنگ شروع کردیں گے پھر جو نصاریٰ شام میں ہوں گے ان سے خط و کتابت کرکے انھیں مسلمانوں کی خفیہ باتیں پہنچائیں گے مسلمان کہیں گے۔ (ان سے) مل جاؤ تم سب ہمارے دشمن ہو یہاں تک کہ اللہ تعالیٰ ہمارے درمیان (فتح وشکست کا) فیصلہ کردے پھر وہ مہینہ تک جنگ کرتے رہیں گے ان کے ہتھیار ختم ہوں گے اور نہ تمہارے اور پرندے تم پر اور ان پر پھینکیں گے۔
فرماتے ہیں : ہمیں یا بات پہنچی ہے کہ ہر مہینہ کے شروع میں تمہارا رب فرماتا ہے : آج میں اپنی تلوار سونتوں گا اور اپنے دشمنوں سے انتقام لوں گا اور اپنے دوستوں کی مددکروں گا تو وہ ایسی جنگ کریں گے کہ اس جیسی دیکھی نہ گئی ہوگی یہاں تک کہ گھوڑے گھوڑوں اور آدمی آدمیوں پر چل رہے ہوں گے وہ کوئی ایسی مخلوق نہیں پائیں گے جو ان کے اور قسطنطنیہ اور رومیہ کے درمیان حائل ہو اس روز ان کا امیر ان سے کہے گا : آج کوئی خیانت نہیں ہوگی آج جس نے جو چیز لے لی وہ اسی کی ہوئی فرماتے ہیں : تو وہ ہلکی چیزیں اٹھالیں گے اور وزنی چھوڑدیں گے وہ اسی حال میں ہوں گے کوئی آکر ان سے کہے گا : تمہارے بچوں میں دجال آچکا ہے وہ سب کچھ چھوڑ چھاڑ کر ادھر متوجہ ہوجائیں گے لوگوں کو سخت بھوک لگے گی یہاں تک کہ آدمی اپنی کمان کی تانت اتار جلا کھائے گا اور ایک آدمی اپنی (چمڑے کی) ڈھال جلاکر کھاجائے گا اور آدمی اپنے بھائی سے بات کرے گا تو وہ کمزوری کی وجہ سے اس کی آوازی نہیں سن سکے گا (آواز پست ہوگی) وہ ایسی حالت میں ہوں گے کہ آسمان سے ایک آواز سنیں گے خوشخبری ہو ! تمہارے لیے مدد پہنچ چکی پس لوگ کہیں گے : عیسیٰ بن مریم (علیہما السلام) نازل ہوگئے چنانچہ وہ آپ کو اور آپ انھیں خوشخبری دیں گے روح اللہ ! نماز پڑھائیے وہ فرمائیں گے : اللہ تعالیٰ نے اس امت کو عزت بخشی ہے ان کے علاوہ کسی کو ان کی امانت کرنا مناسب ہیں تو امیر المومنین لوگوں کو نماز پڑھائیں گے کسی نے کہا : کیا اس روز لوگوں کے امیر معاویہ بن ابی سفیان ہوں گے ؟ آپ نے فرمایا : نہیں عیسیٰ (علیہ السلام) اس کی اقتداء میں نماز پڑھیں گے نماز سے فارغ ہونے کے بعد عیسیٰ (علیہ السلام) اپنا نیزہ منگوائیں گے اور دجال آجائے گا آپ فرمائیں گے (دجال، کذاب ٹھہر ! جب وہ آپ کو دیکھ کر آپ کی آواز پہچان لے گا تو جیسے آگ کی وجہ سے تانبا پگھلتا ہے یادھوپ کی وجہ سے چربی پگھلتی ہے ایسے پگھلے گا اگر عیسیٰ (علیہ السلام) اسے بھڑنہ کہتے تو وہ بالکل پگھل جاتا چنانچہ عیسیٰ (علیہ السلام) اس پر اپنے نیزے سے اس کے سینہ پروار کریں گے اور اسے قتل کردیں گے اور اس کا لشکر پتھر اور درختوں میں تتر بتر ہوجائے گا : اس کے لشکر میں زیادہ تر یہودی اور منافقین ہوں گے پتھر پکارے گا : روح اللہ ! یہ میرے نیچے کافر ہے اسے قتل کیجئے ! اس کے بعد عیسیٰ (علیہ السلام) صلیب توڑنے اور خنزیر قتل کرنے کا حکم دیں گے چنانچہ صلیب توڑ دی جائے اور خنزیر قتل کردیا جائے گا جنگ ختم ہوجائے گی یہاں تک کہ بھیڑیا ان کے پاس بیٹھ جائے گا اور دوڑے گا بھی نہیں اور بچے سانپ سے کھیلیں گے جو انھیں ڈسے گا نہیں زمین کو انصاف سے بھردیں گے۔
وہ اسی حال میں ہوں گے کہ ایک آواز سنیں گے : یاجوج ماجوج کھل گئے وہ جیسا کہ اللہ تعالیٰ کا ارشاد ہے وہ ہر اونچی جگہ سے پھسلتے آئیں گے “ وہ پوری زمین میں فساد پھیلائیں گے صورت حال یہ ہوگی کہ ان کا پہلا حصہ موجیں مارتی نہر پر آکے سارا پانی پئے گا اور پچھلے کہیں گے یہاں کوئی نہر تھی عیسیٰ (علیہ السلام) اور آپ کے ساتھ بیت المقدس میں قلعہ بند ہوجائیں گے اور وہ کہیں گے : ہمارے علم میں ہم نے تمام زمین والوں کو ذبح کردیا چلو آسمانوں والوں کا رخ کرو چنانچہ وہ اپنے تیر پھینکیں گے جن کے پھلوں پر خون لگا واپس آئے جو آزمائش ہوگی وہ کہیں گے : اب زمین میں کوئی باقی رہا نہ آسمان میں، اس وقت ایمان والے کہیں گے : روح اللہ ان کے لیے فنا کی بددعا کریں ! تو وہ ان کے لیے بددعا کریں گے تو اللہ تعالیٰ ان کے کانوں پر ایک کیڑا پیدا فرمائے گا جو انھیں ایک رات میں قتل کردے گا تو ان کے مرداروں سے پوری زمین بدبودار ہوجائے گی لوگ عرض کریں : روح اللہ ! ہم بدبو سے مرجانے والے ہیں تو آپ اللہ تعالیٰ سے دعاکریں گے اللہ تعالیٰ موسلا دھاربارش بھیجے گا اور سیلاب آکر انھیں سمندر میں پھینک دے گا پھر وہ ایک آواز سنیں گے۔ کہا جائے گا : ٹھہرو ! کوئی کہے گا : قلعہ نما گھر پر جنگ ہے تو وہ ایک لشکر بھیجیں گے تو وہ اس لشکر کے پہلے لوگوں کو جاملیں گے ادھر عیسیٰ (علیہ السلام) وفات پاجائیں گے مسلمان آپ کے پاس آکر آپ کو غسل دیں گے خوشبو لگا کر کفنائیں گے اور نماز جنازہ پڑھ آپ کو دفن کریں گے تو اس لشکر کے پہلے لوگ اور دوسرے مسلمان واپس آکر آپ کی قبر پر مٹی ڈال کر ہاتھ جھاڑ رہے ہوں گے اس کے بعد وہ لوگ کچھ ہی عرصہ رہیں گے کہ اللہ تعالیٰ یمنی ہوا بھیجے گا کسی نے پوچھا : یمنی ہوا کون سی ہے ؟ فرمایا : یمن سے ایک ہوا چلے گی جو مسلمان بھی اسے سونگھے گا اس کی روح قبض کرلے گی، فرمایا : ایک رات میں سارا قرآن اٹھالیا جائے گا انسانوں کے سینوں یا ان کے گھروں میں جو کچھ ہوگا سارے کا سارا اللہ تعالیٰ اٹھائیں گے لوگوں میں نہ کوئی نبی ہوگا نہ قرآن اور نہ کوئی ایماندار رہے گا۔
عبداللہ بن عمرو نے فرمایا : اس وقت قیامت کا قائم ہونا مخفی ہوجائے گا ہمیں پتہ نہیں کتنے لوگ چھوڑ جائیں گے اسی طرح ایک چیخ ہوگی، فرمایا : زمین پر جب کوئی چیخ ہوئی تو وہ اللہ تعالیٰ زمین والوں پر ناراضگی کی وجہ سے ہوئی فرمایا : اللہ تعالیٰ فرماتے ہیں : کیا یہ لوگ ایک چیخ کے منتظر ہیں جس میں دودھ دوہنے کا بھی وقفہ نہیں سورة آیت ١٥ فرمایا : مجھے پتہ نہیں کہ کتنے چھوڑ جائیں گے۔ (رواہ ابن عساکر)