٣٩٦٥٥۔۔۔ عباس بن عبدالمطلب (رض) سے روایت ہے فرمایا : فتح مکہ کے روز میں رسول اللہ (صلی اللہ علیہ وآلہ وسلم) کے خچر پر سوار ہو کر قریش کے پاس آیا اور انھیں رسول اللہ (صلی اللہ علیہ وآلہ وسلم) سے لڑائی کرنے سے روکنے لگا ادھر رسول اللہ (صلی اللہ علیہ وآلہ وسلم) نے مجھے نہ پاکر تلاش کا حکم دیا لوگوں نے کہا : وہ قریش کے پاس گئے ہیں تاکہ انھیں آپ سے لڑائی کرنے سے روکیں تو رسول اللہ (صلی اللہ علیہ وآلہ وسلم) نے فرمایا : میرے باپ کو واپس لاؤ میرے باپ کو واپس لاؤ کہیں قریش انھیں قتل نہ کردیں جیسا ثقیف نے عروہ بن مسعود کو قتل کردی تو رسول اللہ (صلی اللہ علیہ وآلہ وسلم) کے گھڑسوار نکلے اور مجھ سے مل کر مجھے واپس لے آئے جب رسول اللہ (صلی اللہ علیہ وآلہ وسلم) نے مجھے دیکھا تو آبدیدہ ہو کے میرے ساتھ لپٹ کر رونے لگے میں نے عرض کیا : یارسول اللہ ! میں تو آپ کی مدد کے لیے گیا تھا آپ نے فرمایا : اللہ تعالیٰ آپ کی مددکرے پھر آپ نے تین بار فرمایا : اللہ ! عباس اور اس کی اولاد کی مدد فرما اس کے بعد ارشاد فرمایا : چچاجان ! کیا آپ کو پتہ ہے کہ مہدی جسے توفیق دی گئی وہ راضی اور پسندیدہ آپ کی اولاد سے ہوگا۔ (ابن عساکر وفیہ الکدیمی)