٣٩٦٦٩۔۔۔ حضرت علی (رض) سے روایت ہے فرمایا : جب سفیانی مہدی کی طرف لشکر بھیجے گا تو وہ کھلے میں دھنسا دئیے جائیں گے یہ بات اہل شام تک پہنچے گی وہ اپنے خلیفہ سے کہیں گے مہدی نکل آیا ہے اس کی بیعت کرو اور اس کی فرمان برداری میں داخل ہوجاؤ ورنہ ہم تمہیں قتل کردیں گے وہ بیعت کا پیام بھیجے گا اور مہدی چل پڑے گا اور بالاۤخر بیت المقدس میں پڑاؤ کرے گا خزانے اس کی طرف منتقل ہوں گے عرب وعجم اور جنگ والے روم وغیرہ بغیر جنگ کے اس کی اطاعت میں داخل ہوجائیں گے یہاں تک کہ قسطنطنیہ میں اور اس کی آس پاس مسجدیں بن جائیں گی اور مشرق میں اس کے گھرانے کا ایک شخص اس سے پہلے نکلے گا اور اپنے کندھے پر آٹھ سال تلوار لٹکا کر لڑے گا اور قصاص لے گا بیت المقدس کی طرف متوجہ ہوگا اس کے پاس نہیں پہنچے گا کہ مرجائے گا۔ (رواہ ابونعیم)