٣٩٧٢٦۔۔۔ ابن عباس (رض) سے روایت ہے فرمایا : دجال پہلا شخص ہے جس کی پیروی کرنے والے ایسے ستر ہزار یہودی ہوں گے جن پر سبحان۔ سبزاون کے بنے کپڑے۔ آپ کی مراد طیالسۃ (خال قسم کی ٹوپی سے) ہے نیز اس کے ساتھ یہودی جادو گر ہوں گے جو عجائب اور شعبدے دکھاکر لوگوں کو گمراہ کریں گے اس کی داہنی آنکھ سپاٹ ہوگی اور وہ کانا ہوگا اللہ تعالیٰ اسے اس امت کے ایک شخص پر مسلط کرے تو یہ اسے قتل کرے گا پھر اسے کوڑے مارے گا پھر زندہ کرے گا اس کے بعد وہ اسے قتل نہیں کرسکے گا اور نہ کسی اور پر اس کا بس چلے گا اس کے نکلنے کی نشانی یہ ہے کہ لوگ نیکی کرنے کا حکم دینا اور برائی سے منع کرنا چھوڑدیں گے خونوں کے بارے میں غفلت برتیں گے احکام کو ضائع کردیں گے سودکھائیں گے مضبوط عمارتیں بنائیں گے شرابیں پئیں گے کمانے والیاں رکھیں گے ریشم پہنیں گے فرعونیوں کی شکل و صورت اختیار کریں گے بدعہدی کریں گے دنیا کے لیے دین حاصل کریں گے مساجد کو سجائیں گے اور دلوں کو ویران کریں گے رشتہ داریاں ختم کریں گے قراء کی بہتات ہوگی اور دین کی سمجھ رکھنے والے گنے چنے ہوں گے حدود بےکار ہوں گی مرد عورتوں کے اور عورتیں مردوں کی مشابہت اختیار کریں گے مردوں سے مرد اور عورتوں سے عورتیں لطف اندوزہوں گے اللہ تعالیٰ ان پر دجال کو عذاب بناکر بھیجے گا وہ ان پر مسلط کردیا جائے گا یہاں تک کہ ان سے انتقام لیا جائے گا اور ایمان والے بیت المقدس پہنچ جائیں گے۔
ابن عباس (رض) فرماتے ہیں : رسول اللہ (صلی اللہ علیہ وآلہ وسلم) نے فرمایا : اس وقت میرے بھائی یعنی ابن مریم (علیہما السلام) آسمان سے جبل افیق پر رہنما امام اور منصف حاکم بن کر نازل ہوں گے ان پر ان کی ٹوپی ہوگی ان کا قددرمیانہ ہو کشادہ پیشانی بال گھنگریالے ان کے ہاتھ میں نیزہ ہوگا دجال کو قتل کریں گے جب دجال قتل ہوجائے گا تو جنگ ختم ہوجائے گی ہر طرف صلح ہوگی آدمی شیر سے ملے تو وہ اسے نہیں غرائے گا سانپ کو پکڑے گا تو وہ اسے نقصان نہیں پہنچائے گا زمین اپنی پیداوار ایسے اگائے گی جسے وہ آدم (علیہ السلام) کے زمانہ میں اگاتی تھی لوگ آپ پر ایمان لے آئیں گے اور سب لوگ ایک دین پر قائم رہیں گے۔ (اسحاق بن قیس ابن عساکر)