٣٩٧٣٢۔۔۔ نواس بن سمعان (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : مجھے دکھایا گیا ہے کہ عیسیٰ بن مریم (علیہما السلام) دمشق کی مشرقی جانب سفید مینارے کے نیچے سے دوبندھے کپڑوں میں ملبوس دو فرشتوں کے شانوں پر ہاتھ رکھے نکلیں گے جب وہ سرجھکائیں گے تو پانی کے قطرے ٹپکیں گے اور جب سر اٹھائیں گے تو قطرے ایسے ڈھلکیں گے جیسے موتی آپ وقار سے چلیں گے زمین آپ کے لیے سمیٹ دی جائے گی جس کافر تک آپ کی سانس پہنچے گی وہ مرجائے گا اور آپ کی سانس آپ کی نگاہ کی حدتک پہنچے گی اور آپ کی نگاہ کافروں کے قلعوں اور ان کی عبادت گاہوں تک پہنچے گی دجال کو آپ باب لدپہ جا کے ملیں گے۔ (اسے قتل کریں گے تو) وہ مرجائے گا پھر آپ مسلمان کی طرف جائیں گے جنہیں اللہ تعالیٰ نے اسلام کی وجہ سے بچالیا ہوگا اور کافر لوگ اپنے قلعوں سے اتریں ان کی داڑھیاں اور جلدیں جھڑ رہی ہوں گی پھر انصاری کہیں گے یہ وہ دجال ہے جس سے ہم نے ڈرایا اور یہی آخرت ہے جس نے عیسیٰ ابن مریم (علیہما السلام) کو ہاتھ لگایا ہوگا وہ سب لوگوں میں بلند شان ہوگا (لیکن) انھیں ہاتھ لگانا بہت مشکل ہوگا عیسیٰ (علیہ السلام) ان کے چہروں پر ہاتھ پھیر کر جنت میں انھیں ان کے درجات بتائیں گے وہ لوگ اسی خوشی مشرت میں مصروف ہوں گے کہ یاجوج وماجوج نکل پڑیں گے عیسیٰ (علیہ السلام) کی طرف وحی آئے گی میں نے اپنے ایسے بندے نکالیں جنہیں میرے سوا کوئی قتل نہیں کرسکتا لہٰذا میرے۔ (دوسرے) بندوں کو طور پر محفوظ کرلو پھر یاجوج ماجوج کا پہلا حصہ بحیرہ طبریہ سے گزرے گا تو اسے پی ڈالے گا پھر دوسرے پہنچے گے وہ اپنے نیزے گاڑ کر کہیں گے یہاں کبھی پانی تھا پھر جب وہ بیت المقدس کے آمنے سامنے ہوں گے تو کہیں گے : ہم نے زمین والے تومارڈالے چلو آسمان والوں کو قتل کریں پھر وہ آسمان کی طرف اپنے تیر پھینکیں گے جنہیں اللہ تعالیٰ خون آلود کرکے واپس کرے گا : وہ کہیں گے : ہم نے آسمان والوں کو بھی مارڈالا عیسیٰ (علیہ السلام) اور آپ کے ساتھ قلعہ بندہوں گے یہاں تک کہ (ذبح شدہ) بیل اور اونٹ کا سرآج کے سو دینار سے بہتر ہوگا۔ (ابن عساکر وقال کذاقال المغارۃ وھو تصیحف وانما ھو المنارۃ)