٣٩٧٥٩۔۔۔ حضرت انس (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : اس ذات کی قسم ! جس کے قبضہ قدرت میں میری جان ہے ! قیامت کے دن میں لوگوں کا سردار ہوں گا اس پر کوئی فخر نہیں، میرے ہاتھ میں حمد کا جھنڈا ہوگا جس تلے آدم (علیہ السلام) اور دوسرے انبیاء ہوں گے اس پر کوئی فخر نہیں اس دن اللہ تعالیٰ آدم (علیہ السلام) کو پکار کر فرمائیں گے : آدم ! وہ عرض کریں گے میرے رب میں حاضر ہوں اور میری سعادت ہے اللہ تعالیٰ فرمائے گا : اپنی اولاد سے جہنم والے نکال لو ! وہ عرض کریں گے : میرے رب ! جہنم والے کتنے ہیں ؟ اللہ فرمائے گا : ہر نو ہزار میں سے ننانوے تو وہ اتنی مقدار میں نکال لیں گے جن کی تعداد اللہ ہی جانتا ہے وہ آدم (علیہ السلام) کے پاس آکر عرض کریں گے : آدم ! اللہ تعالیٰ نے آپ کو یہ عزت بخشی کہ اپنے ہاتھ سے پیدا کیا روح پھونکی اپنی جنت میں ٹھہرایا فرشتوں کا سجدہ کرایا سو اپنی اولاد کے لیے سفارش کریں کہ آج آگ میں نہ جلیں، آدم (علیہ السلام) فرمائیں گے : آج میرا بس نہیں البتہ میں تمہاری رہنمائی کردیتا ہوں نوح کے پاس جاؤ، وہ نوح (علیہ السلام) کے پاس آئیں گے کہیں گے نوح ! آدم کی اولاد کے لیے سفارش کرو ! وہ فرمائیں گے آج میرا اختیار نہیں لیکن ایسے بندے کے پاس جاؤ جسے اللہ تعالیٰ نے اپنے کلام اور رسالت کے لیے چن لیا جو اللہ تعالیٰ کی حفاظت میں پروان چڑھا لوگوں کا محبوب بنایا گیا یعنی موسیٰ : میں تمہارے ساتھ ہوں وہ موسیٰ (علیہ السلام) کے پاس آکر کہیں گے : موسیٰ (علیہ السلام) ! آپ اللہ تعالیٰ کے کلام اور رسالت کے لیے چنے ہوئے بندے ہیں اللہ تعالیٰ کی حفاظت میں آپ نے پرورش پائی اس نے آپ کو لوگوں کا محبوب بنادیا آدم کی اولاد کے لیے شفاعت کریں کہ آج آگ میں نہ جلیں وہ فرمائیں گے : یہ میرے بس کا کام نہیں تم لوگ روح اللہ اور اس کے کلمہ عیسیٰ (علیہ السلام) کے پاس جاؤ ! وہ عیسیٰ (علیہ السلام) کے پاس جائیں گے کہیں گے : عیسیٰ (علیہ السلام) : آپ اللہ کی (پیداکردہ) روح اور اس کا کلمہ رکن مظہر) ہیں آدم (علیہ السلام) کی اولاد کے ہے سفارش کریں کہ آج وہ آگ میں نہ جلائے جائیں وہ فرمائیں گے یہ میرے بس کا کام نہیں البتہ میں تمہاری رہنما کردیتا ہوں تم ایسے بندے کے پاس جاؤ جیسے اللہ تعالیٰ نے جہانوں کے لیے رحمت بنا کر بھیجا ہے وہ احمد میں بھی میں تمہارے ساتھ ہوں چنانچہ وہ احمد (صلی اللہ علیہ وآلہ وسلم) کے آکر کہیں گے : احمد ! اللہ تعالیٰ نے آپ کو جہانوں کے لیے رحمت بنایا آدم کی اولاد کے لیے سفارش کریں کہ آج آگ میں نہ جلیں میں کہوں گا ٹھیک ہے میں ہی اس کا اہل ہوں۔
پھر میں آکر جنتی دروازے کے حلقہ کو پکڑوں گا جائے گا : یہ کون ہے ؟ میں کہوں گا میں احمد ہوں پھر میرے لیے دروازہ کھل جائے گا جب جبار تعالیٰ جس کے سوا کوئی عبادت و پکار کے لائق نیں کو دیکھوگا تو میں سجدہ ریز ہوجاؤں گا اس کے بعد اللہ تعالیٰ کی ایسی حمدوثناء مجھے الہام ہوگی جو مخلوق میں سے کسی کو الہام نہیں ہوئی اس کے بعد کہا جائے گا : اپنا سراٹھاؤ مانگو تمہیں دیا جائے گا شفاعت کرو تمہاری شفاعت قبول کی جائے گی میں عرض کروں گا : میرے رب ! اولاد آد کو آج جہنم میں نہ جلا ہے ! رب تعالیٰ فرمائے گا : جاؤ ! جس کے دل میں تمہیں قیراط بھر بھی ایمان معلوم ہو اسے نکال لو وہ پھر میرے پاس آکر کہیں گے : اولاد آدم کو آج آگ میں نہ جلایا جائے میں آکر جنتی دروازے کے حلقہ کو پکڑوں گا کہا جائے گا : کون ؟ میں کہوں گا : احمد دروازہ میرے لیے کھل جائے گا جب میں جبار تعالیٰ جس کے سوا کوئی معبود نہیں کو دیکھوں گا تو سجدہ میں گروں گا جیسا میں نے پہلے سجدہ کیا ہوگا اسی طرح کا سجدہ کروں گا تو جیسے پہلی مرتبہ رب کی حمدوثناء الہام ہوئی اب بھی ایسی ہی ہوگی پھر مجھ سے کہا جائے گا : اپنا سراٹھاؤ ! سوال کرو تمہیں دیا جائے گا شفاعت کرو تمہاری شفاعت قبول کی جائے گی میں عرض کروں گا : میرے رب ! اولادآدم کو آج جہنم میں نہ جلایا جائے رب تعالیٰ فرمائے گا : جاؤ جس کے دل میں دینار بھر بھی ایمان معلوم ہوا سے نکال لاؤ اس کے بعد میں پھر آکر ویسا ہی کروں گا جیسا پہلی مرتبہ کیا ہوگا جبار تعالیٰ کو دیکھ کر میں سجدہ ریز ہوجاؤں گا جیسا میں نے پہلی مرتبہ سجدہ کیا ہوگا اس کے بعد اسی طرح کی حمدوثناء کا الہام پھر کہا جائے گا : اپنا سراٹھاؤ مانگو تمہیں دیا جائے گا شفاع کرو تمہاری شفاعت قبول کی جائے گی میں عرض کروں گا : میرے رب ! الوداع آدم کو آج آگ میں نہ جلایا جائے رب تعالیٰ فرمائے گا : جاؤ جس کے دل میں ذرہ برابر بھی ایمان معلوم ہوا سے نکال لو تو وہ لوگ نکال لیں گے جن کی تعداد صرف اللہ ہی جانتا ہے اکثر باقی رہ جائیں گے۔
پھر آدم (علیہ السلام) کو شفاعت کی اجازت دی جائے گی تو وہ دس کروڑ کی شفاعت کریں گے پھر فرشتوں اور نبیوں کو اجازت ہوگی وہ شفاعت کریں گے پھر مومنوں کو اجازت ملے گی وہ شفاعت کریں گے اس روز ایک مومن ابیعہ ومضر سے زیادہ لوگوں کی شفاعت کرے گا۔ (رواہ ابن عساکر)