٣٩٧٧٤۔۔۔ حضرت علی (رض) سے اللہ تعالیٰ کے ارشاد کے بارے روایت ہے اور ان لوگوں کو جنت کی طرف ٹولیوں کی شکل میں لے جایا جائے گا جو اپنے رب سے ڈرے “ جب وہ اس کے پاس آئیں گے تو جنت کے دروازے پر ایک درخت دیکھیں گے جس کی جڑ سے دو دچشمے بہہ رہے ہوں گے وہ ایک طرف ایسے بڑھیں گے گویا انھیں اس کا حکم ہوگا جہاں وہ غسل کریں گے اور ایک روایت میں ہے اس سے وضو کریں گے پھر کبھی ان کے سرپر اگندہ نہیں ہوں گے نہ ان کی جلدی خراب ہوں گی گویا انھیں تیل مل گیا ہے اور ان پر نعمتوں کی تروتازگی جاری ہوگی۔
پھر وہ دوسری چشمہ کا رخ کریں گے جس سے پئیں گے تو ان کی پیٹ پاک ہوجائیں گے ان کی پیٹ صحیح کوئی گندگی فضول چیز اور برائی ہوگی نکل جائے گی جنتی دروازوں پر فرشتے ان سے مل کر کہیں گے تم پر سلام ہو تم اچھے ہوئے اب ہمیشہ کے لیے اس میں داخل ہوجاؤ “ اور ان سے لڑکے ملیں گے جو چھپائے موتیوں اور بکھرے مونگوں کی طرح ہوں گے جو انھیں اللہ تعالیٰ کی طرف سے ان کے لیے تیار کردہ نعمتوں کے بارے میں بتائیں گے وہ ان کے اردگرد ایسے پھریں گے جیسے دنیا والے بچے دوست کے ارد گرد پھرتے ہیں کہتے ہوں گے خوشخبری ہو ! تمہارے لیے اللہ تعالیٰ نے یہ تیار کررکھا ہے تیرے لیے یہ سب کچھ تیار کررکھا ہے پھر ان میں سے ایک لڑکا اس کی کسی بیوی کے پاس جا کر کہے گا : فلاں آچکا ہے دنیا میں جس نام سے اسے پکارا جاتا ہوگا وہی نام لے گا وہ اتنی خوش ہوگی یہاں تک کہ چوکھٹ پر کھڑے ہو کر اس سے کہے گی تو نے اسے دیکھا ہے چنانچہ وہ آئے گا اور اس عمارت کی بنیاد موتیوں کی چٹان پر جو سبززرد ار سرخ غرض پر رنگ پر مشتمل ہوگی دیکھے گا پھر وہ بیٹھ جائے گا کیا دیکھتا ہے نفیس مسندیں بچھی ہوئی اور گاؤ تکیے قطار میں لگے ہوئے اور جام ترتیب سے رکھے ہوئے پھر عمارت کی چھت کی طرف سے اٹھائے گا اگر اللہ تعالیٰ نے اسے اس کے لیے مسخر نہ کیا ہوتا تو اس کی نظر چلی جاتی کیونکہ وہ بجلی کی طرح ہوگی پھر وہ اپنے صوفیوں میں سے ایک صوفہ پر ٹیک لگاکر کہے گا : تمام تعریفیں اللہ کے لیے جس نے اس کے لیے ہماری رہنمائی کی۔ الایۃ۔ (ابن المبارک، عبدالرزاق، ابن ابی شیبہ عبد بن حمید وابن راھویہ وابن ابی الدنیا فی صفۃ الجنۃ وابن ابی حاتم وابن جریر ابویعلی والبغوی فی الجعدیات وابو نعیم فی صفۃ النۃ وابن مردویہ بیھقی فی البعث ضیاء قال الحافظ ابن حجر فی المطالب العالیہ : ھذا حدیث صحیح وحکمہ حکم المرفوع اذالا مجال للرائی فی مثل ھذہ الامور)