٣٩٧٨١۔۔۔ (مسند علی) ابوفروہ یزید بن محمد بن یزید بن سنان الرھاوی، ابواسمعیل بن زیاد، جریر بن سعدی، ضحاک بن مزاحم نزال بن سبرۃ ان کے سلسلہ مسند میں حضرت علی (رض) سے روایت ہے فرمایا : میں نے عرض کیا : یا رسول اللہ ! جس دن ہمیں متقین کو رحمن کی طرف وفد کی صورت میں جمع کریں گے کیا سب سوار ہوں گے آپ نے فرمایا : علی ! اس ذات کی قسم ! جس کی قبضہ قدرت میں میری جان ہے جب وہ اپنی قبروں سے نکلیں گے تو ان کے سامنے ایسی اونٹنیاں ہوں گی جن پر سونے کے کجاوے ہوں گے ان کی جوتوں کا تسمہ چمکتا نور ہوگا پھر وہ ان پر بیٹھ کر چلتے چلتے جنت کے دروازے تک پہنچ جائیں گے وہاں یاقوت کا حلقہ سونے کے تختے پر ہوگا اور جنتی دروازے کے پاس ایک درخت ہوگا جس کی جڑ سے دو چشمے پھوٹ رہے ہوں گے ایک چشمہ سے لوگ پئیں گے جب اس کا پانی سینے تک پہنچے گا اللہ تعالیٰ ان کے سینوں سے خیانت حسد اور سرکشی کو نکال دے گا یہی اللہ تعالیٰ کا ارشاد ہے ” ہم ان کے سینوں سے کدورت دور کردیں گے آپس میں بھائی بھائی بن کر آمنے سامنے تخت نشیں ہوں گے “ جب وہ پانی پیٹ تک پہنچے گا اللہ تعالیٰ انھیں دنیا کی گندگی اور میل کچیل سے پاک صاف کردے گا اور یہ اللہ تعالیٰ کا ارشاد ہے اور انھیں ان کا رب پاکیزہ مشروب پلائے گا پھر دوسرے چشمہ سے غسل کریں تو ان پر جنت کی تازگی رواں ہوجائے گی پھر کبھی ان کے بدن میل کچیلے نہیں ہوں گے اور نہ کبھی ان کے رنگ تبدیل ہوں گے پھر وہ حلقہ (زنجیر) کو تختے پر ماریں گے تو اس کی ایک آواز سنائی دے گی اور ہر حورکو پتہ چل جائے گا کہ اس کا خاوند آچکا ہے تو اپنے نگران کو بھیجے گی پس اگر وہ اپنی پہچان نہ کروانا تو نور، چمک اور حسن کی وجہ سے اس کے سامنے سجدہ ریز ہوجاتا وہ کہے گا : اللہ کے ولی ! میں تو تمہارا وہ نگراں ہوں جسے تمہارے گھر پر مقرر کیا گیا ہے وہ چلے گا اور یہ اس کے پیچھے ہوگا یہاں تک کہ اسے چاندی کے محل تک پہنچا دے گا جس کی چھت سونے کی ہوگی جس کا اندرون بیرون سے اور بیرون اندرون سے نظر آئے گا وہ کہے گا : یہ کس کا محل ہے ؟ فرشتہ کہے گا : یہ تیرے لیے ہے رسول اللہ (صلی اللہ علیہ وآلہ وسلم) نے فرمایا : اگر خوشی سے کوئی مرتا تو یہ شخص مرجاتا پھر وہ اس میں داخل ہونا چاہے گا تو وہ فرشتے اسے کہے گا آگے چلو پھر وہ اس کے ساتھ چلتا رہے گا درمیان میں اس کے محلات خیمے نہریں آئیں گی بالاۤخر یاقوت کا بنا ایک کمرہ آئے گا جس کی بنیاد سے لے کر بلندی تک ایک لاکھ گز ہوگی جو موتیوں اور یاقوت کے پہاڑ پر بنا ہوگا کہیں سے سفید، سرسبز اور زرد ہوگا ان میں سے کوئی بھی دوسرے سے ملتا جلتا نہیں ہوگا کمرے میں ایک تخت ہوگا جس کی چوڑائی ایک فرسخ (تین میل) ایک میل کی لمبائی میں ہوگی اس پر پڑے بچھونے بستر سترکروں کی مقدار اوپر نیچے دھرے ہوں گے بستر اور قسم کا اور تخت اور قسم کا ہوگا ولی اللہ کے سر پر تاج ہوگا اس تاج کے ستررکن ہوں گے ہر رکن میں ایک چمکتا موتی ہوگا جو تھکن کے لیے تین دن کی مسافت سے چمکے گا اس کا چہرہ چودہویں کے چاند کی طرح ہوگا اس کے گلے میں طوف (ہار، لاکٹ) اور دو جمیل ہوں گے جس کا چمکتا نور ہوگا اور اس کے ہاتھ میں تین کنگن ہوں گے ایک سونے کا ایک چاندی کا اور ایک موتیوں کا اور یہی اللہ تعالیٰ ارشاد ہے انھیں سونے اور موتیوں کے کنگن پہنائے جائیں گے ” اور اس کے بدن پر ریشم کے ستر مختلف رنگوں کے جوڑے ہوں گے جو گل لالہ کی باریکی پر بنے ہوں گے یہی اللہ تعالیٰ کا ارشاد ہے اور اس میں ان کا لباس ریشمی ہوگا “ تخت اللہ تعالیٰ کے ولی کے شوق اور فرحت میں ہلے گا پھر وہ اس کے لیے ٹھہر جائے گا یہاں تک کہ وہ اس پر بیٹھ جائے گا وہ اس کی بنیاد کو کنکھیوں سے دیکھا کرے گا کہ مبادا یہ نور اس کی آنکھوں کو چندھیادے وہ اسی کیفیت میں ہوگا کہ اچانک حورعین اس کے سامنے ستر لونڈیوں اور سترلڑکوں کے ساتھ آکھڑی ہوگی اس پر ستر جوڑے ہوں گے جن سے جلد اور ہڈی کے درمیان سے اس کی پنڈلی کا گودا دکھائی دے گا جیسے سفید (گلاس) جام میں سرخ مشروب نظر آتا ہے یا جیسے صاف شفاعت موتیوں میں لڑی دکھائی دیتی ہے وہ جب اسے دیکھے گا تو اس سے پہلے ہر دیکھی ہوئی چیز بھول جائے گا۔
جب وہ اس کے سینے کی طرف ہاتھ بڑائے گا تو اس کے جگر میں لکھی بات پڑھ لے گا لکھا ہوگا : میں تیری محبوبہ ہوں اور تو میرا محبوب ہے میرا تو ہی ہے یہی اللہ تعالیٰ کا ارشاد ہے گویا وہ حوریں یاقوت اور مرجان ہیں موتی کی سفیدی کے مشابہ ہوگی، وہ ستر سال تک اس سے لطف اندوز ہوگا نہ اس کی شہوت ختم ہوگی اور نہ اس کی وہ (جنتی) اسی حال میں ہوں گے کہ فرشتے آجائیں گے اور دونوں کمروں کے ستر یا ستر ہزار دروازے ہوں گے ہر دروازے پر ایک دربان ہوگا فرشتے کہیں گے الی اللہ کے پاس جانے کی اجازت دو وہ کہیں گے : ہمارے لیے یہ مشکل ہی کہ ہم تمہارے لیے اجازت طلب کریں وہ اپنی بیویوں کے ساتھ ہے فرشتے کہیں گے : دروازے پر فرشتے تم سے اجازت مانگتے ہیں وہ کہے گا : انھیں اندر آنے کی اجازت دو ! پھر نبی (صلی اللہ علیہ وآلہ وسلم) نے یہ آیت پڑھی : اور فرشتے ہر دروازے سے داخل ہو کر انھیں سلام کریں گے کہ یہ بدلہ تمہارے صبر کرنے کا ہے پس کیا ہی اچھا انجام کا گھر ہے فرماتے ہیں اور رسول اللہ (صلی اللہ علیہ وآلہ وسلم) نے یہ آیت پڑھی : جب تو دیکھے گا تو وہاں نعمتیں اور بڑی بادشاہت دیکھے گا “ فرشتے بےاجازت ان کے پاس نہیں آئیں گے نہریں ان کے گھروں کے نیچے بہتی ہوں گی اور پھل جھکے ہوں گے چاہے گا تو منہ سے توڑے گا اور چاہے گا تو ٹیک لگائے توڑلے گا چاہے گا تو بیٹھ کر اور چاہے گا تو کھڑے ہو کر توڑے گا، اور نہ خراب ہونے والے پانی کی نہریں ہوں گی (یعنی ) اس میں کدورت نہیں ہوگی۔ آسن وہ پانی ہے ہے جو خراب ہوجاتا ہو جیسے دنیا کا پانی خراب ہوجاتا ہے اور دودھ کی نہریں ہوں گی جو گوبر خون اور جانوروں کے تھنوں سے نہیں نکلا ہوگا اور شراب کی نہریں جنہیں لوگ پاؤں سے نہیں روندیں گے پینے والوں کے لذیذ ، نہ ان کے سردکھنے پائیں اور نہ عقلوں میں فتور آئے اور صاف شہد کی نہریں شہد کے موم سے جو مکھیوں کے پیٹ سے نہیں نکلا ہوگا وہ اسی حال میں ہوگا کہ کبھی اپنی بیویوں سے عیش ومسرت حاصل کرے گا کبھی اسے اس کی غزادی جائے گی کبھی اسے مشروب پیش کیا جائے گا کبھی فرشتے اس سے اندر آنے کی اجازت طلب کریں گے کبھی وہ اپنے رب کا دیدار کرے گا اور رب تعالیٰ اس سے گفتگو کرے گا اور کبھی اللہ کی خاطر بھائیوں کی زیارت کرے گا اسی اثناء میں اسے ایک نور ڈھانپ لے گا تو کوئی کہے گا : یہ کس نور نے جنتیوں کو ڈھانپ لیا ؟ فرشتے کہیں گے : یہ حور نے تمہارے اشتیاق و خوشی میں اپنے خیمہ سے دیکھا ہے جس نور نے تمہیں ڈھانپ لیا ہے یہ اس کے دناتوں کا نور ہے۔ (ابن مردویہ ویزید بن سنان والثلاثہ فوقہ ضعفاء)