٣٩٧٨٤۔۔۔ حضرت عمر بن خطاب (رض) سے روایت ہے فرمایا : نبی (صلی اللہ علیہ وآلہ وسلم) کے پاس جبرائیل امین اپنے معمول سے ہٹ کر کسی وقت آئے رسول اللہ (صلی اللہ علیہ وآلہ وسلم) نے ان کا ارادہ کیا ان سے کہا : جبرائیل ! کیا بات ہے تمہارا رنگ بدلا بدلا لگ رہا ہے ؟ تو انھوں نے کہا : جب تک اللہ تعالیٰ نے (مجھے) جہنم کی چابیوں کا حکم نہیں دیا میں آپ کے پاس نہیں آیا آپ نے فرمایا : جبرائیل مجھے جہنم کے بارے میں بتاؤ اور اس کا حال بیان کروتو جبرائیل نے کہا : اللہ تعالیٰ نے جہنم کی آگ کے بارے حکم دیا تو اسے ہزار سال جلایا گیا یہاں تک کہ وہ سفید ہوگئی پھر حکم دیا تو اس سے ہزار سال جلایا گیا تو سرخ ہوگئی پھر حکم دیا تو اسے ہزار سال جلایا گیا تو وہ سیاہ ہوگئی تو وہ سیاہ و تاریک ہے نہ اس کے انگارے روشن ہیں اور نہ اس کی لپٹ بھی ہے اس ذات کی قسم ! جس نے آپ کو حق دے کر بھیجا اگر جہنم کو سوئی کے ناکے جتنا بھی کھول دیا جائے تو دنیا کے تمام لوگ اس کی گرمی سے مرجائیں، اس ذات کی قسم جس نے آپ کا حق دے کر بھیجا ہے اگر ایک جہنمی کپڑا زمین و آسمان کے درمیان لٹکایا جائے تو تمام لوگ اس کی گرمی سے مرجائیں ، اس ذات کی قسم جس نے آپ کو حق دے کر بھیجا ہے اگر ایک جہنمی کپڑا زمین و آسمان کے درمیان لٹکایا جائے تو تمام لوگ اس کی گرمی سے مرجائیں اس ذات کی قسم ! جس نے آپ کو حق دے کر بھیجا ہے ! اگر کوئی جہنمی پردے دار دنیا میں ظاہر ہوجائے اور لوگ اسے دیکھیں تو اس کی بدصورتی اور نتھنوں کی بدبو کی وجہ سے سارے لوگ مرجائیں اس ذات کی قسم جس نے آپ کو حق دے کر بھیجا ! اگر جہنمی زنجیر کا ایک کڑا (حلقہ) جس کا اللہ تعالیٰ نے اپنی کتاب میں حال بیان کیا ہے دنیا کے کسی پہاڑ پر رکھ دیا جائے تو وہ ریزہ ریزہ ہوجائے برقرار نہ رہ سکے یہاں تک کہ وہ زمین کی سب سے نچلی تہہ تک پہنچ جائے تو رسول اللہ (صلی اللہ علیہ وآلہ وسلم) نے فرمایا : جبرائیل میرے لیے کافی ہے میرا دل برداشت نہیں کرتا ایسا نہ ہو میں جان کھو بیٹھوں رسول اللہ (صلی اللہ علیہ وآلہ وسلم) نے جبرائیل کو دیکھا تو وہ رو رہے تھے آپ نے فرمایا : جبرائیل تم رو رہے ہو جب کہ تمہیں اللہ تعالیٰ کے نزدیک اپنا مقام پتہ ہے تو انھوں نے کہا : میں کیسے نہ رؤں میں تو رونے کا زیادہ حق دار ہوں شاید میں اللہ کے علم میں اس حالت کے برعکس ہوں جس پر ہوں مجھے کیا معلوم کہ میں بھی ہاروت ماروت کی طرح آزمائش میں ڈالا جاؤں تو رسول اللہ (صلی اللہ علیہ وآلہ وسلم) بھی رو پڑے اور جبرائیل روتے رہے دونوں رو رہے تھے یہاں تک کہ آواز آئی جبرائیل ومحمد ! اللہ تعالیٰ نے تم دونوں کو اپنی نافرمانی سے محفوظ رکھا ہے تو جبرائیل پرواز کرگئے۔
آپ (صلی اللہ علیہ وآلہ وسلم) باہر آئے تو انصار کی ایک جماعت انہی کھیل میں مشغول تھی وہاں سے گزرے تو فرمایا : تم لوگ
ہنستے ہو جب کہ تمہارے پیچھے جہنم ہے اگر تم وہ معلوم ہوجائے جو مجھے معلوم ہے تو تم کم ہنسو اور زیادہ رونے لگو اور تمہیں کھانا پینا اچھا نہ لگے اور تم جنگلوں کی طرف اللہ تعالیٰ سے التجا کرتے نکل جاؤ آواز آئی : محمد للہ میرے بندوں کو مایوس نہ کرو میں نے آپ کو آسانی والا بنا کر بھیجا تنگ کرنے والا بنا کر نہیں بھیجا تو رسول اللہ (صلی اللہ علیہ وآلہ وسلم) نے فرمایا : درست رہو اور قریب قریب رہو۔ (طبرانی فی الاوسط وقال : تفر دبہ سلام الطویل قال فی المغنی ترکوہ)
کلام :۔۔۔ الضعیفۃ ٩١٠۔ ١٣٠٦