٣٩٧٩٩۔۔۔ سلیم بن عام ابو یحییٰ الکالدعی فرماتے ہیں مجھ سے حضرت ابوامامہ باہلی (رض) نے بیان فرمایا : کہ میں نے رسول اللہ (صلی اللہ علیہ وآلہ وسلم) کو ارشاد فرماتے سنا : میں سو رہا تھا کہ میرے پاس دو آدمی آئے انھوں نے مجھے کندھوں سے پکڑا اور ایک چسلتے پہاڑ کے پاس لاکر کہنے لگے : اس پر چڑھو میں نے کہا : میں نہیں چڑھ سکتا انھوں نے کہا : ہم آپ کی امداد کرتے ہیں تو چڑھتے چڑھتے جب میں پہاڑ کے درمیان میں پہنچا تو میں نے زوردار آوازیں سنیں میں نے کہا : یہ آوازیں کسی ہیں ؟ انھوں نے کہا : یہ جہنمیوں کی چیخ و پکار ہے پھر مجھے لے کر چلے میں نے ایک قوم دیکھی جو ایڑیوں کے بل لٹکی ہے ان کی باچھیں کھلی ہیں جن سے خون ٹپک رہا ہے میں نے کہا یہ کون لوگ ہیں انھوں نے کہا : یہ وہ لوگ ہیں جو افطاری سے روزہ افطار کرلیتے ہیں۔ ابوامامہ (رض) نے فرمایا : یہودونصاریٰ تباہ ہوں سلیم فرماتے ہیں : مجھے معلوم نہیں آپ نے یہ بات رسول اللہ (صلی اللہ علیہ وآلہ وسلم) سے سے سنی یا اپنی رائے سے کہی پھر مجھے آگے لے گئے ایک قوم انتہائی بدبودار اور بہت زیادہ پھولی ہوئی جن کا ظاہری حال برا ہے میں نے کہا : یہ کون ہیں انھوں نے کہا : یہ کافروں کے مقتولین میں پھر مجھے لے گئے یہاں تک کہ ایک ایسی قوم ملی جن کی بدبو بہت زیادہ بہت پھولے ہوئے ان کی حالت بری بری ان سے بیت الخلاؤں جیسی بدبو آرہی ہے میں نے کہا یہ کون ہیں ؟ انھوں نے کہا : یہ زانی مرد اور عورتیں ہیں پھر مجھے لے گئے عورتیں ہیں جن کی چھائیوں کو سانپ ڈس رہے ہیں میں نے کہا یہ کون ہیں ؟ انھوں نے کہا : جو اپنے بچوں کو دودھ سے روکتی تھیں۔ پھر مجھے لے جایا گیا تو بہت سے بچے نظر آئے جو دونہروں کے درمیان کھیل رہے تھے میں نے کہا : یہ کون ہیں ؟ انھوں نے کہا : مومنوں کے بچے پھر میں بلند ہوا تو تین آدمی نظر آئے جو اپنی شراب پی رہے تھے میں نے کہا : یہ کون ہیں ؟ انھوں نے کہا : یہ جعفرزید اور ابن رواحہ ہیں پھر میں تھوڑا بلند ہوا تو مجھے تین آدمی نظر آئے میں نے کہا : یہ کون ہیں انھوں نے کہا : ابراہیم موسیٰ اور عیسیٰ (علیہما السلام) آپ کا انتظار کررہے ہیں۔ (بیھقی فی کتاب عذاب القبر ضیاء)