4004: (ابن عمر (رض)) حضرت ابن عمر (رض) سے مروی ہے کہ کچھ لوگ ایک شخص کو پکڑ کر حضور (صلی اللہ علیہ وآلہ وسلم) کی خدمت میں لائے اور گواہی دی کہ اس نے ہماری ایک اونٹنی چوری کی ہے۔ آپ (صلی اللہ علیہ وآلہ وسلم) نے اس کے لیے (سزا کا ) حکم فرما دیا۔ جب اس کو لے جانے لگے تو وہ یہ درود پڑھنے لگا :
اللہم صل علی محمد حتی لا یبقی من صلواتک شیء وبارک علی محمد حتی لا یبقی من برکاتک شیء و سلم علی محمد حتی لا یبقی من سلامک شیء۔
اے اللہ محمد پر درود بھیج حتی کہ آپ کے درود میں سے کچھ باقی نہ رہے اور برکتیں بھیج حتی کہ برکتوں میں سے کچھ باقی نہ رہے اور سلام بھیج حتی کہ آپ کے سلام میں سے کچھ باقی نہ رہے۔
اس شخص کا یہ درود پڑھنا تھا کہ اونٹنی بول اٹھی : اے محمد ! یہ شخص میری چوری سے بری ہے۔ نبی اکرم (صلی اللہ علیہ وآلہ وسلم) نے فرمایا : اس شخص کو کون واپس لائے گا ؟ چنانچہ اہل مسجد میں سے ستر (کے قریب) آدمی گئے اور اس کو لے کر حضور (صلی اللہ علیہ وآلہ وسلم) کی خدمت میں پیش کردیا۔ حضور (صلی اللہ علیہ وآلہ وسلم) نے اس سے لائے گا ؟ چنانچہ اہل مسجد میں سے ستر (کے قریب) آدمی گئے اور اس کو لے کر حضور (صلی اللہ علیہ وآلہ وسلم) کی خدمت میں پیش کردیا۔ حضور (صلی اللہ علیہ وآلہ وسلم) نے اس سے پوچھا : یہ تم جاتے ہوئے کیا پڑھ رہے تھے ؟ چنانچہ اس نے اس درود کے بارے میں عرض کیا۔ نبی اکرم (صلی اللہ علیہ وآلہ وسلم) نے فرمایا : تبھی میں نے دیکھا کہ مدینہ کی گلیوں میں ملائکہ کا ہجوم اس قدر بڑھ گیا کہ قریب تھا وہ میرے اور تمہارے درمیان حائل ہوجاتے۔ پھر فرمایا : تم پل صراط پر پہنچوگے تو تمہارا چہرہ چودھویں رات کے چاند سے زیادہ چمکتا ہوگا۔ الکبیر للطبرانی فی الدعاء الدیلمی۔