4007: (ابوطلحہ (رض)) حضرت ابوطلحہ (رض) فرماتے ہیں۔ میں ایک دن حضور (صلی اللہ علیہ وآلہ وسلم) کی خدمت میں حاضر ہوا تو میں نے آپ کو انتہائی خوش پایا۔ میں نے عرض کیا : یا رسول اللہ ! میں نے آج سے پہلے آپ کو اس قدر خوش نہیں دیکھا۔ حضور (صلی اللہ علیہ وآلہ وسلم) نے فرمایا :
میں کیوں خوش نہ ہوں، جبرائیل (علیہ السلام) میرے پاس آئے تھے اور اس وقت نکل کر گئے ہیں انھوں نے مجھے خوش خبری دی ہے کہ ہر بندہ جو آپ پر درود پڑھے گا اس کے لیے دس نیکیاں لکھی جائیں گی دس برائیاں مٹائی جائیں گی اور اس کے دس درجے بلند کیے جائیں گے۔ اور وہ درود جیسے اس نے پڑھا ہوگا (مجھ پر) پیش کیا جائے گا اور جو دعا اس نے (میرے لیے) کی ہوگی اس کو بھی اس کے مثل لوٹائی جائے گی۔ (مصنف عبدالرزاق)