4012: ابو طلحہ (رض) فرماتے ہیں میں حضور (صلی اللہ علیہ وآلہ وسلم) کے پاس حاضر ہوا آپ کے چہرہ انور سے خوشی کی کرنیں پھوٹ رہی تھیں۔ میں نے عرض کیا : یا رسول اللہ ! میں نے اتنا خوش دل اور ہنس مکھ آج سے پہلے آپ کو کبھی نہیں دیکھا۔ آپ (صلی اللہ علیہ وآلہ وسلم) نے فرمایا : کیوں نہ میں خوش ہوا اور میرا چہرہ نہ کھلے جبکہ ابھی جبرائیل (علیہ السلام) مجھ سے جدا ہو کر گئے ہیں۔ انھوں نے مجھے کہا :
اے محمد ! جو آپ کا امتی آپ پر ایک مرتبہ درود پڑھے گا۔ اللہ پاک اس کے لیے دس نیکیاں لکھیں گے، دس برائیاں مٹائیں گے اور دس درجے بلند فرمائیں گے۔ اور فرشتہ اس شخص کو ویسا ہی جواب دے گا جیسا اس نے آپ کے لیے پڑھا ہوگا۔ میں نے کہا : اے جبرائیل (علیہ السلام) وہ کون سا فرشتہ ہے ؟ فرمایا اللہ پاک نے ایک فرشتہ آپ پر مقرر فرمایا ہے جب سے کہ آپ پیدا ہوئے (قیامت میں) آپ کو اٹھائے جانے تک جب بھی کوئی ایک مرتبہ آپ کا امتی درود پڑھے گا تو وہ فرشتہ اس پڑھنے والے کو کہے گا وانت صلی اللہ علیک۔ اور اللہ تجھ پر بھی رحمت بھیجے۔ الکبیر للطبرانی عن ابی طلحہ (رض) ۔