٤٠١٦٦۔۔۔ ابراہیم نخعی سے روایت ہے کہ حضرت عمربن خطاب (رض) کے پاس ایک شخص لایا گیا جس نے قصداقتل کیا تھا تو مقتول کے بعض ورثاء نے معاف کردیا آپ نے اسے قتل کرنے کا حکم دیا، اس پر حضرت عبداللہ بن مسعود (رض) نے فرمایا : یہ جان ان سب کے لیے تھی پس جب انھوں نے معاف کردیاتو جان زندہ کردی گئی لہٰذا آپ اس کا حق نہیں لے سکتے یہاں تک کہ کوئی دوسرا اسے لے، تو حضرت عمرنے فرمایا : آپ کی کیا رائے ہے ؟ انھوں نے فرمایا : مری رائے یہ ہے کہ آپ اس کے مال میں دیت مقررکریں اور معاف کرنے والوں کا حصہ ختم کردیں، حضرت عمر (رض) نے فرمایا : مری بھی یہی رائے ہے۔ الشافعی، بیھقی