٤٠١٨٠۔۔۔ جریر سے روایت ہے کہ ابوموسیٰ (رض) کے ساتھ ایک شخص تھا پھر ان لوگوں نے مال غنیمت حاصل کیا حضرت ابو موسیٰ نے اسے اس کا حصہ دیامگرپورا نہیں دیاتو اس نے پورے حصہ سے کم لینے سے انکار کردیا تو ابو موسیٰ نے اسے بیس کوڑے مارے اور اس کا سرمنڈوادیا، اس نے اپنے بال جمع کئے اور حضرت عمر (رض) کے پاس چلا گیا، جیب سے بال نکال کر حضرت عمر کے سینے کی طرف پھینک دیئے آپ نے فرمایا : تمہیں کیا ہوگیا ہے ؟ اس نے اپنا قصہ بیان کیا حضرت عمر (رض) نے ابوموسیٰ کو لکھا : السلام علیکم اما بعد، فلاں بن فلاں نے مجھے اس طرح کے واقعہ کی خبردی ہے میں تمہیں قسم دیتا ہوں تم نے جو کچھ کیا اگر بھری مجلس میں کیا تو اس کے لیے بھری مجلس میں بیٹھو اور وہ تم سے بدلہ کے لیے بیٹھے تو وہ شخص کہنے لگا : میں نے اللہ کے لیے معاف کردیا ہے۔ رواہ البیھقی