٤٠٢٠١۔۔۔ حسن بصری سے روایت ہے : کہ حضرت عمر بن خطاب (رض) نے ایک عورت کی طرف پیغام بھیجا جس کا خاوندگھرپر نہیں تھا کہ اس کے گھر کوئی آتا ہے، اس نے اس کا انکار کیا آپ نے اس کی طرف پیغام بھیجا لوگوں نے اس سے کہا : کہ امیرالمومنین کی خدمت میں حاضر ہو وہ کہنے لگی ہائے افسوس ! امرا اور عمرکا کیا واسطہ ! اچانک جب وہ راستہ میں تھی گھبراگئی اسے دردزہ شروع ہواپھر وہ کسی گھر میں داخل ہوئی جہاں اس نے اپنا بچہ جنا، بچہ نے دوچیخیں ماریں اور مرگیا، بعد میں حضرت عمر (رض) نے صحابہ رسول اللہ (صلی اللہ علیہ وآلہ وسلم) سے مشورہ طلب کیا تو کچھ نے یہ مشورہ دیا کہ آپ یہ کوئی چیز واجب نہیں کیونکہ آپ تو صرف والی اورادب سکھانے والے ہیں، اور حضرت علی (رض) خاموش بیٹھے تھے، آپ حضرت علی (رض) کی طرف متوجہ ہوئے اور فرمایا : آپ کیا کہتے ہیں ؟ انھوں نے فرمایا، اگر انھوں نے اپنی طرف سے یہ بات کہی ہے تو ان کی رائے غلط ہے اور اگر انھوں نے آپ کی خواہش میں یا بات کہی ہے تو انھوں نے آپ سے خیرخواہی نہیں کی میں سمجھتا ہوں کہ اس کی دیت آپ کے ذمہ ہے کیونکہ آپ ہی نے اسے خوفزدہ کیا اور آپ کی خاطر اس نے اپنے بچہ کو جنم دیا چنانچہ آپ نے حضرت علی (رض) کو حکم دیا کہ اس بچہ کی دیت قریش پر تقسیم کریں یعنی قریش سے اس کی دیت وصول کریں کیونکہ ان سے غلطی ہوئی۔ عبدالرزاق ، بیھقی