٤٠٣٢٠۔۔۔ ابن شہاب سے روایت ہے کہ حضرت عمربن خطاب (رض) نے منیٰ میں لوگوں کو جمع کیا اور فرمایا : جس کے پاس دیت کا علم ہے وہ مجھے بتائے توضحاک بن سفیان (رض) اٹھے اور کہا : مری طرف رسول اللہ (صلی اللہ علیہ وآلہ وسلم) نے لکھا : کہ میں اثیم ضبابی کی بیوی کو اس کی دیت کا وارث بناؤں تو حضرت عمرنے فرمایا : آپ خیمہ میں جائیں میں آپ کے پاس آتاہوں، جب حضرت عمر آئے تو ضحاک بن سفیان (رض) نے انھیں بتایا تو حضرت عمر (رض) نے اس کے مطابق فیصلہ فرمایا، ابن شہاب فرماتے ہیں، کہ اثیم غلطی سے قتل کئے گئے تھے۔ ابوداؤد، ترمذی، وقال حسن صحیح، نسائی ، ابن ماجۃ