٤٠٣٩٩۔۔۔ حضرت عائشہ (رض) سے روایت ہے کہ رسول اللہ (صلی اللہ علیہ وآلہ وسلم) نے ابوجہم بن حدیفہ کو زکوۃ وصول کرنے بھیجا تو ایک شخص اپنی زکوۃ پر ان سے جھگڑپڑا، توابوجہم (رض) نے اسے ماراجس سے اس کا سرزخمی ہوگیا، وہ لوگ نبی (صلی اللہ علیہ وآلہ وسلم) کے پاس بدلہ طلب کرنے آپہنچے، نبی (صلی اللہ علیہ وآلہ وسلم) نے فرمایا : تمہارے سے اتنااتنامال (بصورت بکریاں) ہوگا وہ راضی نہ ہوئے پھر آپ نے فرمایا : تمہارے لیے اتنااتنا مال ہوگا، وہ راضی نہ ہوئے آپ نے فرمایا : تمہارے لیے اتنا اتنامال ہوگا تو وہ راضی ہوگئے پھر نبی (صلی اللہ علیہ وآلہ وسلم) نے فرمایا : میں لوگوں سے خطاب کر کے تمہاری رضامندی بتانے والا ہوں، وہ کہنے لگے : ٹھیک ہے ، تو نبی (صلی اللہ علیہ وآلہ وسلم) نے خطاب میں فرمایا : یہ بنی لیث کے لوگ میرے پاس بدلہ طلب کرنے آئے تو میں نے ان کے سامنے اتنا اتنا مال رکھا، اور یہ لوگ راضی ہوگئے (اے بنی لیث) کیا تم راضی ہو ؟ لوگوں نے کہا : نہیں، تو مہاجرین نے حملہ کرنے کا ارادہ کیا تو نبی (صلی اللہ علیہ وآلہ وسلم) نے انھیں رکنے کا حکم دیا، تو وہ باز آگئے، پھر آپ نے انھیں بلایا اور مال میں اضافہ انھوں کہا : ٹھیک ہے، پھرنے خطاب میں فرمایا : کیا تم راضی ہو ؟ انھوں نے کہا : جی ہاں۔ رواہ عبدالرزاق، یعنی نبی (صلی اللہ علیہ وآلہ وسلم) ان کی رضامندی کو ان کے اپنے الفاظ میں لوگوں کے سامنے ظاہر کرنا چاہتے تھے۔