٤٠٤٠٤۔۔۔ ابن جریج سے وہ ابن طاؤس سے وہ اپنے والد سے روایت کرتے ہیں : کہ ہمارے پاس ایک خط تھا جس میں ان دیتوں کی تفصیل تھی جن کی وحی نبی (صلی اللہ علیہ وآلہ وسلم) کی طرف ہوئی تھی، کیونکہ نبی (صلی اللہ علیہ وآلہ وسلم) نے دیت یا زکوۃ کا جو فیصلہ بھی فرمایا وہ وحی سے فرمایا، فرماتے ہیں : نبی (صلی اللہ علیہ وآلہ وسلم) کے اس خط میں تھا۔ جب قتل عمد میں صلح کرلیں تو جتنے پر صلح کرلیں (وہی ادا کیا جائے) اور نبی (صلی اللہ علیہ وآلہ وسلم) کے اس خط میں تھا (رح) : قتل خطا کی دیت اونٹوں کی صورت میں تیس تین سالے، تیس دو سالے بیس یکسانے بیس دو سالے مذکر نبی (صلی اللہ علیہ وآلہ وسلم) سے منقول ہے پڑوسی اور اشہر حرم میں دیت میں زیادتی ہے، اور گہرے زخم کے بارے میں نبی (صلی اللہ علیہ وآلہ وسلم) سے پانچ اونٹ اور ہڈی ٹکڑے ٹکڑے اور گل جانے والے زخم میں پندرہ اونٹ اور دماغ کے زخم میں تینتیس اونٹ، اور پیٹ کے زخم میں تینتیس اونٹ، آنکھ میں پچاس اور ناک جب اس کا بانسہ کاٹ دیا جائے سو اونٹ اور دانت میں پانچ اونٹ اور اگر ذکر (آلہ تناسل) کاٹ دیا تو اس میں سو اونٹنیاں اور اگر اس کی شہوت ختم ہوگئی اور اس کا سلسلہ نسل ختم ہوگیا۔ اور ہاتھ میں پچاس اونٹ اور پاؤں میں پچاس اونٹ اور انگلیوں میں دس اونٹ ہیں۔ رواہ عبدالرزاق