٤٠٤٠٦۔۔۔ ابن جریج سے روایت ہے فرمایا، عمروبن شعیب نے فرمایا : کہ نبی (صلی اللہ علیہ وآلہ وسلم) نے فرمایا : جو جان بوجھ کر قتل کرے ، اسے مقتول کے وارثوں کے حوالہ کردیا جائے چاہے اسے قتل کریں چاہے پوری دیت جو سو اونٹ ہیں لے لیں۔ جن میں تیس ٣٠ تین سالے، تیس ٣٠ چار سالے چالیس ٤٠ حاملہ اونٹیاں ہیں یہ تو قتل عمد کے لیے ہیں جب قاتل کو قتل نہ کیا جائے۔ اور قتل خطا اور شبہ عمد کی دیت سخت ہے وہ یوں کہ لوگوں میں شیطان اتر آئے اور ان کے درمیان اندھادھند تیراندازی ہو جس کا سبب نہ کینہ وحسد اور نہ ایک دوسرے پر ہتھیار اٹھانا، سو جس نے ہم پر ہتھیار اٹھایا وہ ہمارا نہیں، اور نہ راستہ میں تیراندازی کرتے ہوئے، سوجوشخص اس کے علاوہ کسی صورت میں مرجائے تو وہ شبہ عمد ہے اس کی دیت سخت ہے اور قتل کو قلت نہیں کیا جائے گا، قتل خطاء کی دیت تیس ٣٠ تین سالے، تیس ٣٠ دو سالے بیس ٢٠ یکسالہ اور بیس ٢٠ دو سالے مذکر، اور جس کی دیت گائیوں میں ہو تو دوسوگا اور قتل خطا میں چارسالہ اور جس کے سامنے کے دودھ والے دانت گرگئے ہوں دیا جائے اور دیت مغلظہ میں بہترین مال دیا جائے۔ اور جس کی دیت بکریوں میں ہو تودوہزار بکریاں ہیں اور رسول اللہ (صلی اللہ علیہ وآلہ وسلم) گاؤں والوں پر اونٹوں کی قیمت چارسود ینا ریا ان کے برابر چاندی جس کی قیمت اونٹوں کی قیمت کے برابرہو، جب چاندی مہنگی ہوتی تو اس کی قیمت پر لگائی جاتی اور جب اس کی قیمت کم ہوتی تو جتنی بھی اونٹوں کی قیمت ہوتی اس پر، اور رسول اللہ (صلی اللہ علیہ وآلہ وسلم) نے فرمایا : عورت کی دیت مرد کی دیت جیسی ہے یہاں تک کہ اس کی دیت کا تہائی ہوجائے، جو اس زخم میں سے جس سے ہڈی ٹوٹ کر ٹل جائے تو جو اس سے زیادہ ہو تو وہ مرد کی دیت کا آدھا ہے۔ اگر عورت قتل کردی جائے تو اس کی دیت اس کے وارثوں میں میراث ہے وہ اس کا بدلہ لیں اور اس کے قاتل کو قتل کریں اور عورت اپنے خاوند کے مال اور اس کی دیت کی وارث ہوگی اور مرد اپنی بیوی کے مال اور دیت کا وارث ہوگا، جب ایک دوسرے کو انھوں نے قتل نہ کیا ہو۔ اور دیت مقتول کے وارثوں کے درمیان ان کے حصوں کے بقدر میراث ہے جو بچ جائے وہ عصبہ کے لیے اور عورت کے جو بھی عصبہ ہیں وہ اس کی دیت اداکریں، اور اس کے وارث نہیں ہوں گے ہاں جو وارثوں سے بچ جائے۔ اس کے وہ وارث ہیں۔ رواہ عبدالرزاق