٤٠٤٤٤۔۔۔ سعید بن المسیب سے روایت ہے کہ قسامت جاہلیت میں تھی تو نبی (صلی اللہ علیہ وآلہ وسلم) نے اسے برقرار رکھا (جس کی صورت یہ ہوئی کہ) انصار کا ایک شخص یہود کے کنوئیں میں مقتول پایا گیا فرماتے ہیں : نبی (صلی اللہ علیہ وآلہ وسلم) نے یہود سے ابتدا کی اور ان سے قسم کھانے کو کہا : تو یہود نے کہا : ہم تو ہرگز قسمیں نہیں کھائیں گے، تو نبی (صلی اللہ علیہ وآلہ وسلم) نے انصار سے فرمایا : کیا تم قسمیں کھاؤگے ؟ انصارنے کہا : ہم تو قسمیں نہیں کھائیں گے تو نبی (صلی اللہ علیہ وآلہ وسلم) نے یہودپردیت کا تاوان مقرر کیا کیونکہ وہ ان کے درمیان قتل کیا گیا۔ عبدالرزاق، ابن ابی شیبہ ابن حبان