٤٠٤٧٠۔۔۔ بنی اسرائیل نے اپنا ایک خلیفہ بنایا وہ بیت المقدس کی چھت پر چاندی میں نماز پڑھ رہا تھا کہ اسے اپنے وہ کام یاد آگئے جو اس نے کئے تھے تو وہ ایک رسی سے لٹک کر نیچے اتر آیا صبح کے وقت وہ رسی مسجد کے ساتھ لٹک رہی تھی اور جاچکا تھا چلتے چلتے وہ نہر کے کنارے ایک قوم کے پاس پہنچا جنہیں دیکھا کہ وہ کچی اینیٹیں بنا رہے ہیں اس نے ان سے پوچھا : کہ تم ان اینٹوں کی کتنی اجرت لیتے ہو تو انھوں اسے بتایا تو یہ ان کے پاس ٹھہر گیا وہ اپنے ہاتھ کی کمائی سے کھانے لگا جب نماز کا وقت ہوا وضو کیا اور نماز پڑھی اس مزدور کی خبر ان کے سردارتک پہنچی تو اس نے کہا : ہم میں ایک شخص ہے جو اس طرح کام کرتا ہے سردارنے اس کی طرف آنے کا پیام بھیجا اس نے انکار کردیا پھر وہ سردار سواری پرچلتے ہوئے اس کے پاس آیا یہ اسے دیکھ بھاگ کھڑا ہوا، اس نے اس کا پیچھا کیا اور اس تک پہنچ گیا اور کہا : ٹھہرو میں نے تم سے ایک بات کرنی ہے تو وہ ٹھہر گیا تو اسے بتایا کہ وہ بادشاہ تھا اپنے دین کے خوف کی وجہ سے وہ بھاگا ہے تو اس شخص نے کہا : میں اسی وجہ سے تمہارا ساتھ اختیار کرنا چاہتا ہوں، تو دونوں اللہ تعالیٰ کی عبادت کرنے لگے، انھوں نے اللہ تعالیٰ سے سوال کیا کہ ان دونوں کو اکٹھے موت دے چنانچہ وہ اکٹھے فوت ہوئے۔ طبرانی فی الکبیر عن ابن مسعود، کلام۔۔۔ ذخیرۃ الحفاظ ١٠٨٣۔