٤٠٤٧٦۔۔۔ حنش بن الحارث سے وہ اپنے والد سے وہ حضرت علی (رض) سے وہ نبی (صلی اللہ علیہ وآلہ وسلم) سے روایت کرتے ہیں : آپ نے فرمایا تین آدھی چل رہے تھے انھیں بارش نے آلیا انھوں نے پہاڑ کی ایک کھوہ میں پناہ لی ان کی کھوہ پر پہاڑ سے ایک چٹان گری جس نے کھوہ کا راستہ بند کردیا تو ان میں سے کسی نے کہا : اپنے ان اعمال صالحہ کو یاد کرو جو تم نے اللہ تعالیٰ کے لیے کئے ہیں ان کے ذریعہ اللہ تعالیٰ سے دعاکرو تو انھوں نے اللہ تعالیٰ سے دعا کی ان میں سے ایک نے کہا : اے اللہ ! میرے بوڑھے ماں باپ ایک بیوی اور بچے تھے میں ان کے بیٹے بکریاں چرایا کرتا تھا جب میں شام کو واپس آتا تو ان کے لیے دودھ دوہتاتو میں اپنے بچوں سے پہلے اپنے والدین کو دودھ پلاتا ایک دن کسی درخت کی وجہ سے مجھے دیر ہوگئی تو میں شام کے وقت ان کے پاس آیا تو وہ سوچکے تھے حسب عادت جیسے میں دودھ دوہتا تھا دودھ دو بار اور آکر ان کے سرہانے کھڑا ہوگیا مجھے اچھا نہ لگا کہ میں انھیں ان کی نیند سے بیدار کروں اور نہ یہ اچھا لگا کہ ان سے پہلے اپنے بچوں کو دودھ پلاؤں وہ میرے لیے اتنی گنجائش کردیں کہ ہم آسمان کو دیکھیں تو اللہ تعالیٰ نے ان کے لیے تھوڑی سی گنچائش پیدا فرمادی۔ دوسرے نے کہا : اے اللہ ! میری ایک چچاز اد تھی جس سے میں ایسی ہی محبت کرتا تھا جیسے مردعورتوں سے زیادہ محبت کرتے ہیں میں نے اس سے خواہش کا اظہار کیا تو اس نے انکار کیا یہاں تک کہ میں سو دینار لاؤں تو میں کوشش محنت کر کرتے اس کے پاس سو دینار جمع کرکے لے آیا جب میں صحبت کے لیے اس کے پاؤں میں آیا تو اس نے کہا : اللہ کے بندے ! اللہ سے ڈر اور ناحق مہر کو نہ توڑ تو میں اسے چھوڑ کر اٹھکھڑا ہوا آپ جانتے ہیں میں نے اگر یہ کام آپ کی رضاجوئی کے لیے کیا ہے تو ہمارے لیے اتنی وسعت پیدا کردیں کہ ہم آسمان دیکھیں تو اللہ تعالیٰ نے ان کے لیے اتنی وسعت پیدا فرمادی۔ تیسرے نے کہا : میں نے اجرت پر ایک مزدور رکھا، جب اس نے اپنا کام ختم کیا تو میں نے اسے اس کا حق دیاتو اس نے اعراض کیا اور چھوڑ کر بےغبت ہوگیا تو میں نے ان سے ایک گائے خریدی جسے میں اس کے لیے چرانے لگا پھر وہ کچھ عرصہ بعد آیا اور کہنے لگا : اللہ تعالیٰ سے ڈر مجھ پر ظلم نہ کرے مجھے میرا حق دے میں نے کہا : اس گائے اور اس کے چرواہے کے پاس جاؤ اور اسے پکڑلو وہ تمہاری ہے تو اس نے کہا : اللہ تعالیٰ سے ڈر مجھ سے مزاح نہ کر میں نے کہا : میں تجھ سے مزاح نہیں کررہا اس گائے اور اس کے چرواہے کو لے لے آپ جانتے ہیں میں نے اگر یہ کام آپ کو خوشنودی حاصل کرنے کے لیے کیا ہے تو باقی چٹان ہٹادیں تو اللہ تعالیٰ نے ان کا راستہ کھول دیا۔ الخرائطی فی اعتدال القلوب