4052: (ابی بن کعب) رسول اللہ (صلی اللہ علیہ وآلہ وسلم) نے فاتحہ الکتاب پڑھی پھر فرمایا : تمہارا پروردگار ارشاد فرماتا ہے : اے آدم کے بیٹے ! میں نے تجھ پر سات آیا نازل کی ہیں۔ تین میرے لیے ہیں تین تیرے لیے اور ایک میرے اور تیرے درمیان ہے۔ میرے لیے الحمد للہ رب العالمین، الرحمن الرحیم اور مالک یوم الدین ہیں۔ اور میرے تیرے درمیان مشترک آیت یہ ہے ایاک نعبد وایاک نستعین۔ یعنی تو عبادت کرے اور میں تیری مدد کروں۔ اور تیرے لیے آخری تین آیات یہ ہیں اھدنا الصراط المستقیم صراط الذین انعمت علیہم غیر المغضوب علیہم ولا الضالین۔ الاوسط للطبرانی، بخاری، مسلم۔
اس روایت کو زہری سے صرف سلیمان بن ارقم روایت کرتے ہیں۔
فائدہ : سبحان اللہ ! کیا خدا کلام حکمت سے بھرا ہے پہلی تین آیات خدا کی تعریف پر ہیں چوتھی آیت کا پہلا حصہ جو تین آیتوں سے ملا ہوا ہے وہ بھی خدا کی تعریف ہے ایاک نعبد ہم تیری عبادت کرتے ہیں۔ جبکہ دوسرا حصہ وایاک نستعین اور ہم تجھی سے مدد مانگتے ہیں بندہ کے کام کے لیے ہے پھر اسی نسب سے آخری تین آیات بندہ کے لیے دعائیں ہیں۔ اس طرح اول ساڑھے تین آیات خدا کے لیے ہوئیں اور آخری سارھے تین آیات بندے کے لیے۔ وللہ الحمد والمنۃ۔