٤٠٥٢٧۔۔۔ عمروبن سفیان بن عبداللہ بن ربیعہ اور عاصم بن سفیان بن عبداللہ بن ربیعہ ثقفی سے روایت ہے کہ سفیان بن عبداللہ کو چمڑے کی ایک زنبیل ملی تو وہ اسے حضرت عمر (رض) کے پاس لے کر آئے آپ نے فرمایا : سال بھر اس کا اعلان کرو، اگر تم نے اس کا اعلان کیا تو بہترورنہ وہ تمہاری ہے تو اس کا مالک نہیں پایا گیا تو وہ آئندہ سال زمانہ حج میں ان کے پاس لے کر آئے اور اس کا تذکرہ کیا آپ نے فرمایا : ایک سال اور اس کا اعلان کرو پھر اس کا مالک نہ ملے تو وہ تمہاری ہے تو انھوں نے ایساہی کیا تو اس کا پتہ نہ چلا تو حضرت عمر (رض) نے فرمایا وہ تمہاری ہے کیونکہ رسول اللہ (صلی اللہ علیہ وآلہ وسلم) نے ہمیں اسی کا حکم دیا ہے انھوں نے کہا : مجھے اس کی ضرورت نہیں تو حضرت عمر (رض) نے اسے لے کر بیت المال میں جمع کرلیا۔ المحاملی، ورواہ عبدالرزاق عن مجاھد نحوہ، بدون ذکرالمرفوع