4055: ابن عباس (رض) سے مروی ہے کہ رسول اکرم (صلی اللہ علیہ وآلہ وسلم) نے ارشاد فرمایا :
اللہ نے مجھ پر ایسی سورت نازل فرمائی ہے، جو مجھ سے پہلے انبیاء ومرسلین میں سے کسی پر نازل نہیں فرمائی۔ اللہ تعالیٰ فرماتے ہیں : میں نے نماز میں سورة فاتحہ اپنے اور اپنے بندوں کے درمیان مشترک رکھی ہے۔ پس بندہ جب بسم اللہ الرحمن الرحیم کہتا ہے تو اللہ تعالیٰ فرماتے ہیں : میرے بندے نے مجھے دو لطیف اور خوبصورت ناموں کے ساتھ پکارا ہے۔ ایک دوسرے سے زیادہ لطیف ہے۔ الرحیم زیادہ لطیف ہے بنسبت الرحمن کے۔ اور دونوں ہی لطیف المعانی ہیں۔ پھر جب بندہ پڑھتا ہے : الحمد للہ ، اللہ تعالیٰ فرماتے ہیں : میرے بندے نے میرا شکر ادا کا کیا اور میری حمد کی ہے۔ پھر بندہ کہتا ہے : رب العالمین : تو اللہ پاک فرماتے ہیں : میرا بندہ گواہی دیتا ہے کہ میں رب العالمین (تمام جہانوں کا پروردگار) ہوں۔ جن، انس، ملائکہ اور شیطاین اور تمام مخلوات کا رب ہوں، ہر چیز کا رب اور ہر چیز کا خالق ہوں۔ پس جب بندہ کہتا ہے : الرحمن الرحیم، تو پروردگار فرماتے ہیں : میرے بندے نے میری بزرگی بیان کی ہے۔ بندہ جب کہتا ہے : مالک یوم الدین : (یعنی اللہ قیامت کے دن کا مالک ہے) تو پروردگار فرماتے ہیں : میرے بندے نے گواہی دی ہے کہ قیامت کے دن کا میرے سوا کوئی مالک نہیں ہے۔ اور یون میرے بندے نے میری ثناء و بڑائی بیان کی ہے۔
جب بندہ کہتا ہے : ایاک نعبد (یعنی تجھ ہی سے مدد مانگتا ہوں) تو اللہ پاک فرماتے ہیں یہ میرے اور بندے دونوں کے لی ہے ایاک نعبد میرے لیے ہے اور ایاک نستعین اس کے لیے ۔ پس ابن بندہ جو بھی مانگے گا میں اس کو دوں گا۔ اھدنا الصراط المستقیم یعنی ہمیں اسلام کا سیدھا راستہ دکھا۔ کیونکہ اسلام کے علاوہ کوئی راستہ سیدھا نہیں جو توحید سے خالی ہو۔ صراط الذین انعمت علیہم یعنی ان لوگوں کا راستہ جن پر انعام کیا یعنی نبیوں اور مومنوں کا راستہ۔ کیونکہ انہی پر نبوت اور ایمان کا انعام ہوا ہے۔ غیر المغضوب علیہم۔ یعنی جن لوگوں پر تیرا غضب ہوا ہے ان کے علاوہ لوگوں کا راستہ دکھا۔ اور وہ لوگ یہود ہیں۔ ولا الضالین۔ یہ نصاری ہیں جن کو اللہ نے ہدایت کے بعد گمراہ کردیا۔ پس ان کی معصیت کے سبب اللہ نے ان پر غضب نازل کیا اور ان میں سے بندر، خنزیر اور شیطان کے پیروکار بنا دیے۔ یہ لوگ دنیا و آخرت میں بد ترین لوگ ہیں جو جہنمی ٹھکانے والے ہیں۔ سیدھے راستے سے گمراہ ہیں جو کہ مومنین کا راستہ ہے۔ پس جب امام کہے ولا الضالین تو تم کہو آمین۔ تو اللہ پاک تمہاری یہ دعا قبول فرمائیں گے۔
میرے رب نے مجھے فرمایا : اے محمد ! یہ (سورت) تیری اور تیری پیروکار امت کے لیے جہنم سے نجات کا سبب ہے۔ شعب الایمان للبیہقی۔
کلام : اس روایت کی سنت میں ضعف اور انقطاع ہے جس کی بنا پر یہ روایت ضعیف ہے نیز اس روایت میں ابن عباس کے اوال کو بھی مرفوع حدیث میں درج کردیا گیا ہے۔