٤٠٥٥٢۔۔۔ زید بن خالدالجہنی سے روایت ہے کہ ایک دیہاتی نبی (صلی اللہ علیہ وآلہ وسلم) کے پاس آکر لقطہ کے بارے میں پوچھنے لگا : آپ نے فرمایا : سال بھر اس کا اعلان کرو، پھر اس کا تھیلا اور ڈوری پہچانوپھر اگر اس کا مالک آجائے تو اسے دے دورنہ اس سے فائدہ اٹھاؤیا اسے خرچ میں لاؤ اس نے کہا : یارسول اللہ ! گمشدہ بکری ؟ آپ نے فرمایا : وہ تمہارے لیے یا تمہارے بھائی کے لیے یا پھر بھیڑیئے کے لیے ہے پھر اس نے گمشدہ اونٹوں کے متعلق پوچھا : آپ کا چہرہ غصہ سے سرخ ہوگیا اور فرمایا : تمہیں ان سے کیا واسطہ ! ان کے ساتھ چلنے اور پینے کا سامان ہے پانی گھاٹ سے پی لیں گے اور درختوں کے پتے چرلیں گے انھیں چھوڑدویہاں تک کہ ان کا مالک آجائے۔ رواہ عبدالرزاق