٤٠٥٥٦۔۔۔ ابن جریج سے روایت ہے کہ ہمیں عمروبن شعیب نے ایک حدیث سنائی جس کی سندعبداللہ بن عمروتک ہے رہے مثنی تو انھوں نے عمروبن شعیب سے انھوں نے سعید بن المسیب کے حوالہ سے ہمیں بتایا کہ مزنی نے رسول اللہ (صلی اللہ علیہ وآلہ وسلم) سے پوچھا : یارسول اللہ ! گمشدہ بکری (کا کیا حکم ہے) ؟ آپ نے فرمایا : اسے پکڑلو کیونکہ وہ تمہارے لیے تمہارے بھائی کے لیے یاپھربھیڑیئے کے لیے ہے اسے پکڑ کر اپنے پاس رکھو یہاں تک کہ اس کا طلب گا رآ جائے۔ اس نے کہا : یارسول اللہ ! گمشدہ اونٹ ؟ تو رسول اللہ (صلی اللہ علیہ وآلہ وسلم) نے فرمایا : ان کے ساتھ ان کے پینے اور چلنے کا سامان ہے زمین پرچلیں گے نہ انھیں بھیڑیئے کا خطرہ ہے انھیں رہنے دویہاں تک کہ انھیں تلاش کرنے والا آجائے، اس نے کہا : یارسول اللہ ! جو مال ملے ؟ تو نبی (صلی اللہ علیہ وآلہ وسلم) نے فرمایا : جو چلتی راہ میں یا آباد بستی میں ملے تو اس کا ایک سال تک اعلان کرو، پھر اگر اس کا طلب گار آجائے تو اسے دے دو پھر اگر تمہیں اس کا تلاش کرنے والا نہ ملے تو وہ چیز تمہاری ہے بعد میں کسی دن اس کا مالک آجائے تو اسے واپس کردو اس نے کہا : یارسول اللہ ! جو غیر آبادگاؤں میں ملے ؟ تو رسول اللہ (صلی اللہ علیہ وآلہ وسلم) نے فرمایا : اس میں اور زمین دفن شدہ چیزوں میں پانچواں حصہ ہے اس نے کہا : یارسول اللہ ! پہاڑ پر وہ جانے والی بکری ؟ تو رسول اللہ (صلی اللہ علیہ وآلہ وسلم) نے فرمایا : اس میں اس کا اور اس جیسا تاوان اور سزا کے کچھ کوڑے ہیں، اس نے کہا : یارسول اللہ ! درخت سے لگا ہواپھل ؟ تو رسول اللہ (صلی اللہ علیہ وآلہ وسلم) نے فرمایا : اس کا اور اس جیسے کا تاوان اور سزا کے کچھ کوڑے ہیں، اس نے کہا : یارسول اللہ ! جو کھلیان اور باڑے میں ہو ؟ تو رسول اللہ (صلی اللہ علیہ وآلہ وسلم) نے فرمایا : جس کی قیمت ڈھال تک پہنچ جائے اس میں اٹھانے والے کا ہاتھ کاٹا جائے گا۔ اور ڈھال کی قیمت دس درہم ہے جو اس سے کم ہو تو اس کا تاوان اور اس جیسا اس کے ساتھ اور چندکوڑے سزا کے ہوں گے اور رسول اللہ (صلی اللہ علیہ وآلہ وسلم) نے فرمایا : آپس میں حدود ایک دوسرے کو میرے پاس آنے سے پہلے معاف کردیا کرو، مجھ تک جو حدپہنچے گی وہ واجب ہے۔ رواہ بعدالرزاق