٤٠٥٦٦۔۔۔ مسندعلی (رض) ، محمد بن کعب قرظی سے روایت ہے کہ اہل عراق قحط سالی میں مبتلا ہوئے حضرت علی بن ابی طالب (رض) ان کے درمیان کھڑے ہوئے اور فرمایا : لوو ! خوش ہوجاؤ اللہ کی قسم ! مجھے امید ہے کہ تھوڑاہی عرصہ گزرے گا کہ تم شادابی اور آسانی دیکھ کر خوش ہوگے مجھ پر تین دن ایسے گزرے کہ مجھے یہ خوف ہونے لگا کہ بھوک سے میں مرجاؤں گا۔ میں نے فاطمہ (رض) کو رسول اللہ (صلی اللہ علیہ وآلہ وسلم) کے پاس بھیجا کہ وہ میرے لیے ان سے کھانھا طلب کریں تو آپ نے فرمایا : بیٹی ! اللہ کی قسم ! گھر میں اتنی چیز نہیں جسے کوئی جاندارکھائے یہی ہے جو تم دیکھ رہی ہو۔ تھوڑی سی چیز جو آپ کے سامنے تھی۔ البتہ ابھی واپس چلی جاؤ عنقریب اللہ تعالیٰ تمہیں رزق دے گا جب وہ آئیں تو مجھے بتایا میں وہاں سے باہرچلا گیا بنی قریظہ کے پاس آیاوہاں کنوئیں کے کنارے ایک یہودی ملا، وہ کہنے لگا : اے عربی ! کیا تم میرے نخلستان کو سیراب کرو گے میں تمہیں کھانا کھلاؤں گا میں نے کہا : ہاں، میں نے اس سے یہ طے کیا کہ میں ہر کھجور کے بدلہ ایک ڈول کھینچوں گا، میں ڈول کھینچنے لگا۔ جب میں ایک ڈول کھینچتا وہ مجھے ایک کھجور دیتاجب میرے ہاتھ کھجوروں سے بھرگئے تو میں بیٹھ گیا اور کھجوریں کھائیں اور پانی پی کر کہا : ارے پیٹ ! آج تو نے بڑی مشقت اٹھائی پھر اسی طرح میں نے رسول اللہ (صلی اللہ علیہ وآلہ وسلم) کی بیٹی کے لیے ڈول نکالے پھر ڈول رکھا اور وہاں سے واپس پلٹا، چلتے چلتے میں کسی راستہ پر تھا کہ مجھے ایک پڑاودینارملا، جب میں نے اسے دیکھا تونہر گیا اور دل سے یہ کشمکش ہونے لگی کہ اسے اٹھاؤں یاچھوڑدوں تو میرے دل نے انکار کیا کہ میں اسے چھوڑ کر نہ جاؤں بلکہ اٹھالوں میں نے دل میں کہا : میں رسول اللہ (صلی اللہ علیہ وآلہ وسلم) سے مشورہ کروں گا چنانچہ وہ اٹھایا اورفاطمہ (رض) کے پاس آکر انھیں ساراواقعہ بتایا، انھوں نے کہا : یہ اللہ کا رزق ہے اس سے ہمارے لیے آٹا خرید لائیں۔
میں وہاں سے سیدھابازار گیا وہاں فد ک کے ایک یہودی نے جو کا آٹاجمع کررکھا تھا میں نے اس سے آٹا خریدا، جب اس سے آٹا تلوار تو وہ کہنے لگاتم ابوالقاسم محمد (صلی اللہ علیہ وآلہ وسلم) کے کیا ہوتے ہو ؟ وہ میرے چچازاد ہیں اور ان کی بینی سے میں منسوب ہوں۔ تو اس نے مجھے دینار واپس کردیا میں فاطمہ (رض) کے پاس آیا اور انھیں سارا ماجرا سنایا تو انھوں نے کہا : یہ اللہ تعالیٰ کا رزق ہے جائیں اسے آٹھ قیراط سونے کے عوض میں گوشت کے لیے رہن رکھ آئیں چنانچہ میں گیا اور ایسا ہی کیا پھر ان کے پاس گوشت لے آیا اور انھیں کاٹ کردیا انھوں نے ہنڈیاچڑھائی پھر آٹا گوندھا اور روٹیاں پکائیں پھر ہم نے کھانا تیار کیا میں نے انھیں رسول اللہ (صلی اللہ علیہ وآلہ وسلم) کی طرف روانہ کیا اتنے میں آپ ہمارے پاس آگئے آپ نے جب کھانا دیکھاتو فرمایا : یہ کیا ؟ ابھی تم میرے پاس نہیں آئیں مجھ سے پوچھ رہی تھیں ؟ ہم نے کہا : جی ہاں، یارسول اللہ ! تشریف رکھیں ہم آپ کو ساری بات بتاتے ہیں اگر آپ نے اسے بہتر جانا اور کھانا کھایا تو ہم بھی کھالیں گے پھر ہم نے انھیں بتایا آپ نے فرمایا : پاک سے کھاؤبسم اللہ پھر رسول اللہ (صلی اللہ علیہ وآلہ وسلم) اٹھ کر چل دیئے انھیں ایک دیہاتی عورت ملی جو بڑی بےچین کو یا اس کا دل نکلا جارہاہوکہنے لگی : یارسول اللہ ! میری کل پونچی جو ایک دینار میرے پاس تھا گرگیا۔ اللہ کی قسم ! مجھے پتہ نہیں کہ وہ کہاں گرا ؟ میرے ماں بابپ آپ پر قربان ہوں آپ دیکھیں کوئی آپ سے اس کا ذکر کرے تو رسول اللہ (صلی اللہ علیہ وآلہ وسلم) نے فرمایا : میرے پاس علی بن ابی طالب کو بلالاؤ میں آپ کے پاس آیا آپ نے فرمایا : قصاب کے پاس جاؤ اور اس سے کہورسول اللہ (صلی اللہ علیہ وآلہ وسلم) کہہ رہے ہیں تمہارے قیراط میرے ذمہ تم وہ دیناربھیج دوچنانچہ اس نے وہ دینار بھیج دیا تو آپ نے وہ اس دیہاتی عورت کودے دیا اور وہ لے کرچلی ۔ گئی العدنی