٤٠٥٨٩۔۔۔ ہمیں ابن جریج فرماتے ہیں مجھے ابن شہاب سے سہل بن سعد (رض) کے حوالہ سے خبردی کہ انصار کے ایک شخص نبی (صلی اللہ علیہ وآلہ وسلم) کے پاس آکر کہنے لگے : یارسول اللہ ! آپ کی کیا رائے ہے کہ ایک شخص اپنی بیوی کے ساتھ کسی مرد کو دیکھتا ہے کیا اسے قتل کردے پھر وہ اسے قتل کریں یا کیا کرے ؟ تو اللہ تعالیٰ نے ان کے بارے میں لعان کرنے والوں کا حکم نازل کیا جس کا قرآن مجید میں ذکر ہے تو آپ نے ان سے فرمایا : اللہ تعالیٰ نے تمہارے اور تمہاری بیوی ہے درمیان فیصلہ فرمادیا ہے تم دونوں مسجد میں لعان کرو میں گواہ ہوں جب فارغ ہوئے تو انھوں نے کہا : یارسول اللہ ! میں اگر اسے رکھوں تو میں اس کے خلاف جھوٹ بولوں، تو نبی (صلی اللہ علیہ وآلہ وسلم) کے حکم دینے سے پہلے انھوں نے اپنی بیوی کو تین طلاقیں دے دیں جب وہ لعان سے فارغ ہوئے تو نبی (صلی اللہ علیہ وآلہ وسلم) نے فرمایا : اور انھوں نے نبی (صلی اللہ علیہ وآلہ وسلم) کی موجودگی میں اس سے جدائی اختیار کی۔ہر دولعان کرنے والوں کے درمیان یہ جدائی ہے وہ عورت حاملہ تھی اور ان صاحب نے انکار کیا بعد میں ان کا بیٹاماں کے نام سے پکاراجاتاتو نبی (صلی اللہ علیہ وآلہ وسلم) نے فرمایا : اگر اس نے سرخ رنگ کا کمزور بچہ جناجیسا سانڈاتو میں سمجھتاہوں کہ اس عورت نے سچ کہا اور اس نے جھوٹا دعوی کیا اور اگر اس نے کالا، بڑے سرینوں والابچہ جناتو میں سمجھتاہوں کہ اس نے اس عورت کے بارے میں سچ کہا تو وہ اس بیان کردہ کیفیت سے بھی برابچہ پیدا ہوا۔ ابن جریج کہتے ہیں میں نے عبداللہ بن عبید اللہ بن عمیرکو فرماتے سنا : کہ کسی نے نبی (صلی اللہ علیہ وآلہ وسلم) سے کہا : اس عورت کے بچہ کے بارے میں وہ یہ ہے یارسول اللہ ! تو رسول اللہ (صلی اللہ علیہ وآلہ وسلم) نے اسے حکم دیا کہ ادھربلاؤ آپ اسے دیکھتے رہے ہم سمجھے کہ آپ اسے کچھ کہہ رہے ہیں، مگر آپ نے اسے کچھ نہیں کہا، ابن جریج کہتے ہیں : کہ میں نے محمد بن عباد بن جعفر کو فرماتے سنا : کہ نبی (صلی اللہ علیہ وآلہ وسلم) نے فرمایا : جب وہ دونوں لعان کرچکے۔ جہاں تک تمہارا معاملہ ہے تو تم دونوں جانتے ہو کہ میں غیب نہیں جانتا اور ابن جریج نے جعفر بن محمد سے وہ اپنے والد سے وہ حضرت علی (رض) سے روایت کرتے ہیں : فرمایا لعان کرنے والوں کی جو حالت میں نے نبی (صلی اللہ علیہ وآلہ وسلم) کے پاس دیکھی مجھے یہ اچھا نہ لگا کہ میں ان میں سے چوتھا شخص بنوں ۔ رواہ عبدالرزاق یہ شخص عویمرعجلانی تھے، مشکوۃ کتاب اللعان ٢٨٥، رجال نزل فیھم القرآن۔